Nabiyyiin -Rabbiin rahmataa fi nageenya isaan irratti haa buusu- haqa shari'aan Muhammad isaan dhufteen namoota giddutti akka murteessuuf jecha bu'iinsi Iisaa ilma maryam -nageenyi isa irratti haa jiraatu- dhihaachuu irratti kakatan, Fannoo (masqala) kiristaanonni kabaju akka cabsu himaniiru. Iisaa -nageenyi isa irratti haa jiraatu- karkarroo akka ajjeesus himaniiru. Akkasumas Inni -nageenyi isa irratti haa jiraatu- gibira ni murteessee namoonni hundi akka amantii islaamaa qabatan taasisa. Maallaqnis ni dhangala'a namni tokkolleen isa hin fudhatu; Kunis baay’ina isaatii fi namni hundinuu wahuma harka isaa keessa jiruun duroomuuf jechaadha, akkasumas barakaa buutee kheyriin adda addaa wal duraa boodaan dhufuuf jechaadha.

• Dhuma yeroo irratti Iisaan -nageenyi isa irratti haa jiraatu- akka bu'u mirkaneessuu fi sunis mallattoowwan qiyaamaa irra akka ta'e ibsuudha.
• Shari'aa Nabiyyii -Rabbiin rahmataa fi nageenya isaan irratti haa buusu- wanni ishee shaaru hin jiruudha.
• Namoonni irraa dantaa dhabuu waliin Aakhira zamanatti horii keessatti barakoowwan bu'uudha.
• Hanga dhuma addunyatti Jiraachuu amantii Islaamaatin gammachiisuudha, kunis Iisaan -nageenyi isa irratti haa jiraatu- dhuma addunyaa irratti Islaamummaan waan bulchuuf jecha.