रसूल (सल्लल्लाहु अलैहि वसल्लम) ले भन्नुभएको छ, पापी मुस्लिमलाई अल्लाहले क्षमा गर्नुहुन्छ, तर जसले पाप गरेपछि खुलेआम गर्वका साथ आफ्नो पापको घोषणा गर्दै हिंड्छ, ऊ क्षमा योग्य छैन; किनभने उसले रातमा गरेको पापलाई अल्लाहले ढाकिदिनुभएको थियो, तर बिहान उठ्दा उसले आफ्नो साथीलाई भन्छ: हे साथी, हिजो राती मैले यस्तो-यस्तो गरें । यद्यपि अल्लाहले उसको पापलाई ढाकिदिनुभएको थियो, तर उसले अल्लाहले प्रदान गर्नु भएको आवरणलाई उसले आफैँ हटाइदिन्छ !!

• अल्लाहले कसैको पापलाई लुकाईदिएपछि खुलेआम अरुलाई बताउनु धेरै नै घृणित कुरा हो ।
• खुलेआम पापको घोषणा गर्नु भनेको आस्थावान (विश्वासी) हरूमाझ अनैतिकता फैलाउनु हो ।
• अल्लाहले जसका (गोप्य पाप र अपराध) यस संसारमा अरूलाई थाहा हुन दिँदैनन्, उसको (पाप र अपराध) लाई परलोकमा पनि जाहेर हुन दिनुहुन्न, र यो अल्लाहको आफ्ना भक्तहरू प्रतिको अपार कृपा हो ।
• कुनै व्यक्ति पापमा लिप्त भएमा, उसले त्यसलाई सार्वजनिक गर्नु हुँदैन, बरु अल्लाहसँग तौबा (पश्चात्ताप) गर्नुपर्छ।
• पापलाई खुल्ला रूपमा प्रकट गर्नेहरू, जो आफुले गरेको पापहरुलाई जानाजानी जाहेर गर्छन, तिनीहरूको पापको गम्भीरता ठूलो छ, र तिनीहरूले आफैंलाई माफी र क्षमाबाट वञ्चित गर्छन्।

1. home
2. सद्गुण र आचरण
3. हृदयस्पर्शी भाषण र प्रवचन
4. पापको निन्दा
5. hadith

• के म तिमीहरूलाई सबैभन्दा ठूलो पापबारे खबर नगरुँ?
• ठूला पापहरू: शिर्क (अल्लाहसँग साझेदारी) गर्नु, आमाबाबुको अवज्ञा गर्नु, कसैको हत्या गर्नु र झूटो कसम खानु हो।...
• असल साथीको उदाहरण अत्तर (सेन्ट) बेच्ने व्यक्तिसँग मिल्दोजुल्दो छ, भने नराम्रो साथीको उदाहरण आगोको भट्टीमा फुक्ने लोहार जस्तो हो...
• जब दुई मुसलमानहरू एकअर्काको विरुद्ध तरवार उठाएर खडा हुन्छन्, हत्यारा र पीडित दुवै नरकको भागीदार हुनेछन्...