တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) က မည်သူမဆို ဖရဿ်ွ သို့မဟုတ် နဖိလ်ရိုဇာဥပုသ်စောင့်နေစဉ် မေ့လျော့၍ အစာ သို့မဟုတ် အရည်တစ်ခုခု စားသောက်မိပါက ထိုသူသည် မိမိ၏ ရိုဇာဥပုသ်ကိုမဖျက်ဘဲ ဆက်လက်စောင့်ထိန်းရမည်ဖြစ်ကြောင်း ရှင်းလင်းမိန့်ကြားတော်မူခဲ့သည်။ အဘယ်ကြောင့်ဆိုသော် သူသည်သိလျက်နှင့်ရည်ရွယ်ချက်ရှိရှိ စားသောက်ခဲ့ခြင်းမဟုတ်ပေ။ စင်စစ် ယင်းသည် အလ္လာဟ်အရှင်မြတ်က သူ့ထံရောက်ရှိစေတော်မူသော ရိက္ခာတစ်ခုသာဖြစ်ပြီး၊ အလ္လာဟ်အရှင်မြတ်ကပင် သူ့အား ကျွေးမွေးတိုက်‌ကျွေးတော်မူခဲ့ခြင်း ဖြစ်သည်။

• မေ့လျော့စွာ စားသောက်မိသူ၏ ရိုဇာဥပုသ်သည်မှန်ကန်သည်။
• မေ့လျော့စွာစားသောက်မိခြင်းအတွက် အပြစ်မရှိပါ။အဘယ်ကြောင့်ဆိုသော် ထိုသို့ဖြစ်ရခြင်းသည် ၎င်း၏ ဆန္ဒအရမဟုတ်သောကြောင့်ဖြစ်သည်။
• အလ္လာဟ်အရှင်မြတ်၏ မိမိဗန္ဒဟ်ကျေးကျွန်များအပေါ်ထားရှိသော ကရုဏာတော်နှင့် ၎င်းတို့အတွက် လွယ်ကူချောမွေ့စေတော်မူခြင်း၊ ခက်ခဲကျပ်တည်းမှုနှင့် ဒုက္ခရောက်ခြင်းတို့ကို ၎င်းတို့ထံမှ ဖယ်ရှားပေးတော်မူခြင်း။
• ရိုဇာဥပုသ်စောင့်ထိန်းထားသူ၏ ရိုဇာသည် အောက်ပါ အခြေအနေသုံးရပ် ပြည့်စုံမှသာ ပျက်ပြယ်သည်။ ပထမအချက်- (ရိုဇာပျက်‌စေသည့်အရာကို ပြုလုပ်သည့်အခါ) သိရှိနားလည်သူဖြစ်ရမည်။ အကယ်၍ မသိဘဲပြုလုပ်မိပါက ရိုဇာဥပုသ်မပျက်ပေ။ ဒုတိယအချက်- သတိရှိသူဖြစ်ရမည်။ အကယ်၍ မေ့လျော့နေသူဖြစ်ပါက ၎င်း၏ရိုဇာဥပုသ်သည် မှန်ကန်ပြီး ကဇွာပြန်လည်စောင့်ထိန်းရန်လည်း မလိုအပ်ပါ။ တတိယအချက်- မိမိဆန္ဒအလျောက် ပြုလုပ်သူဖြစ်ရမည်။ အတင်းအဓမ္မခိုင်းစေခံရသူ မဟုတ်ဘဲ မိမိဆန္ဒအလျောက် ရိုဇာပျက်စေသည့်အရာကို သုံးဆောင်ခြင်း ဖြစ်ရမည်။