ဆွဟာဗဟ် (ရဿွိယလ္လာဟုအန်ဟုမ်)တို့သည် အလ္လာဟ်အရှင်မြတ်၏ လမ်းတော်၌ ဂျိဟာဒ်ပြုခြင်း၊ ရန်သူများနှင့် တိုက်ခိုက်ခြင်းကို အမွန်မြတ်ဆုံး အမလ်ကောင်းမှုဖြစ်သည်ဟု သိထားကြသည်။ သို့ဖြစ်၍ အာအိရှဟ် (ရဿွိယလ္လာဟုအန်ဟာ)သည် တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)အား အမျိုးသမီးများ ဂျီဟာဒ်ပြုသင့်ပါသလားဟု လျှောက်ထားမေးမြန်းခဲ့သည်။ ထိုအခါ ကိုယ်တော်မြတ်(ဆွလ္လလ္လာဟုအလိုင်းဟိဝစလ္လမ်)က သူမတို့ဆောင်ရွက်နိုင်သည့် အကောင်းဆုံးဂျိဟာဒ်မှာ ပြစားခြင်းနှင့် အပြစ်အကုသိုလ်ကင်းကာ ကုရ်အာန်ကျမ်းမြတ်နှင့် စွန္နသ်တော်နှင့် ကိုက်ညီသည့် အလ္လာဟ်အရှင်မြတ် လက်ခံသဘောတူသည့် ဟဂ်ျပင်ဖြစ်သည်ဟု ညွှန်ကြားပြသတော်မူခဲ့သည်။

• အမျိုးသားများအတွက် ဂျိဟာဒ်သည် အမွန်မြတ်ဆုံး အမလ်ကောင်းမှုဖြစ်သည်။
• အမျိုးသမီးများအတွက် ဟဂ်ျသည် ဂျိဟာဒ်ထက် ပို၍မွန်မြတ်သည်။ ဟဂ်ျသည် သူမတို့အတွက် အမွန်မြတ်ဆုံး အမလ်ကောင်းမှုဖြစ်သည်။
• ကျင့်သုံးသူပေါ်မူတည်၍ အမလ်ကောင်းမှုများ၏ မွန်မြတ်မှုသည်လည်း ကွဲပြားသွားသည်။
• ဟဂ်ျကို ဂျိဟာဒ်ဟု ခေါ်ဆိုထားသည်။ အဘယ့်ကြောင့်ဆိုသော် ၎င်းသည် စိတ်နှလုံးသား၏ ဂျိဟာဒ်ဖြစ်သည်။ ဟဂ်ျ၌ ဥစ္စာပစ္စည်းနှင့် ခန္ဓာကိုယ် အင်အားတို့ကို သုံးစွဲရသည်။ ဟဂ်ျသည် အလ္လာဟ်အရှင်မြတ်၏ လမ်းတော်၌ ဂျိဟာဒ်ပြုသကဲ့သို့ပင် ခန္ဓာကိုယ်နှင့် ဥစ္စာပစ္စည်း နှစ်မျိုးစလုံးဖြင့် ပြုလုပ်ရသည့် အိဘာဒသ်ဖြစ်သည်။

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. ခဝပ်ကိုးကွယ်မှုဆိုင်ရာ ဖိကဟ်။
4. ဟဂ်ျနှင့် အွမ်ရဟ်။
5. ဟဂ်ျနှင့်အွမ်ရဟ်၏ ထွတ်မြတ်မှု။
6. ဟဒီးဆ်

• “မည်သူမဆို ဟဂ်ျပြုရာတွင် ကာမဂုဏ်နှင့်သက်ဆိုင်သည့် ညစ်ညမ်းသောစကားကိုလည်း မပြောဆို၊ အပြစ်ကျူးလွန်ခြင်းလည်း မရှိခဲ့သော် ၎င်းသည် သူ၏မိခင်က သူ့အား မွေးဖွားခဲ့သည့်နေ့ကအတိုင်း(အပြစ်ကင်းစင်သူအဖြစ်) ပြန်ရောက်လာမည်။”...
• ဟဂ်ျနှင့် အွမ်ရာကြား တစ်ခုနှင့်တစ်ခုမခြားဘဲ တစ်ဆက်တည်းပြုလုပ်ပါ။ အဘယ် ကြောင့်ဆိုသော် ပန်းပဲဖိုသည် သံ၊ ရွှေငွေတို့၏ ချေးညှော်များကို ဖယ်ရှားသကဲ့သို့ ထိုအရာနှစ်ခုသည် ဆင်းရဲခြင်းနှင့် အပြစ်အကုသိုလ်များကို ဖယ်ရှားပေးသည်။ ထို့ပြင် လက်ခံခြင်းခံရသ...
• ရမဿွာန်လ ရောက်သည့်အခါ သင်မအွမ္မရဟ် ပြုလုပ်ပါ။ ဧကန်အမှန်ပင် ထိုလ၌ အွမ္မရဟ်ပြုလုပ်ခြင်းသည် ဟဂ်ျပြုလုပ်ခြင်းနှင့် ညီမျှသည်။...