တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ထံတွင် တစ်ဦးသောသူ၏အ ကြောင်း တင်ပြခဲ့ကြသည်။ သူသည် မနက်နေထွက်သည်အထိ အိပ်နေခဲ့ပြီး ဖရဿ်ွဆွလာသ်ဝတ်ပြုရန်အတွက် မထခဲ့ချေ။ ထိုအခါ တမန်တော် (ဆွလ္လလ္လာဟုအလိုင်ဟိဝစလ္လမ်) က မိန့်တော်မူသည် - “ဧကန်မုချ ထိုသူသည် ရှိုင်တွာန်က သူ၏ နားအတွင်းသို့ ဆီးသွားလိုက်သကဲ့သို့ (နက်ရှိုင်းစွာအိပ်ပျော်နေသူ) ဖြစ်သည်။”

• ၁။ ကိယာမွလ်လိုင်းလ် ( သဟဂ်ျဂျွဒ်ဆွလာသ်ဝတ်ပြုခြင်း) ကို စွန့်လွှတ်ခြင်းသည် မနှစ်မြို့ဖွယ်ဖြစ်ပြီး ယင်းသည် ရှိုင်တွာန်၏လုပ်ရပ်ကြောင့်သာ ဖြစ်သည်။
• ၂။ အလ္လာဟ်အရှင်မြတ်၏ နာခံကိုးကွယ်မှုနှင့် လူသားကြားတွင် ဟန့်တားရန် လမ်းတိုင်း၌ စောင့်ဆိုင်းနေသော ရှိုင်တွာန်မှ သတိထားရန်။
• ၃။ အိဗ်နုဟဂျရ်က ဆိုသည် - "ما قام إلى الصلاة" ( ဆွလာသ်ဝတ်ပြုရန် ထမလာခဲ့ ) ဟူသည့် စကားသည် ဆွလာသ်၏ အမျိုးအစား ကို ရည်ညွှန်းပြီး၊ ညဥ့်ဆွလာသ် (သဟဂ်ျဂျွဒ်) သို့မဟုတ် ဖရဿ်ွဆွလာသ်ကို ရည်ညွှန်းခြင်း ဖြစ်နိုင်သည်။
• ၄။ အိမာမ်သွီဗီက ဆိုသည်- အိပ်စက်မှုနှင့် ပတ်သက်၍ မျက်လုံးကို ဖော်ပြခြင်းက ပိုမိုသင့်လျော်သော်လည်း ဤနေရာတွင် နားကို အထူးဖော်ပြခြင်းသည် အိပ်စက်မှု၏ နက်ရှိုင်းမှုကို ညွှန်းဆိုရန် ဖြစ်သည်။ ။ အဘယ်ကြောင့်ဆိုသော် နားများသည် နိုးကြားမှု၏ လမ်းကြောင်းများဖြစ်သည်။ ထို့နောက် ဆီးသွားခြင်းကို အထူးဖော်ပြရသည့် အကြောင်းမှာ ၎င်းသည် ခန္ဓာကိုယ်၏ အတွင်းပိုင်း နေရာများသို့ အလွယ်တကူဝင်ရောက်နိုင်ပြီး၊ သွေးကြောများထဲသို့ လျင်မြန်စွာ စိမ့်ဝင်ကာ ကိုယ်အင်္ဂါအစိတ်အပိုင်းအားလုံးတွင် ပျင်းရိထိုင်းမှိုင်းမှုကို ဖြစ်စေသောကြောင့် ဖြစ်သည်။

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. ခဝပ်ကိုးကွယ်မှုဆိုင်ရာ ဖိကဟ်။
4. ဆွလာသ်။
5. ဆွလာသ်ဖရ်ဿ်ွဖြစ်ခြင်းနှင့် ဆွလာသ်စွန့်လွှတ်သူ၏အမိန့်။
6. ဟဒီးဆ်

• အစ္စလာမ်သာသနာသည် မဏ္ဍိုင်ကြီးငါးခုပေါ်တွင် တည်ဆောက်ထားသည်
• “ဆွလာသ်ဝတ်ပြုမှုကို အမြဲထိန်းသိမ်းကြပါ။ အသင်တို့၏ လက်ယာလက်များက ပိုင်ဆိုင်သော ကျွန်၊ ကျွန်မများနှင့် ပတ်သက်၍လည်း (တာဝန်ကျေပွန်ကြပါ)”...
• အသင်တို့၏သားသမီးများ အသက်ခုနှစ်နှစ်အရွယ် ရောက်သောအခါ ၎င်းတို့အား ဆွလာသ်ဆောက်တည်ရန် အမိန့်ပေးကြပါ။ ၎င်းတို့ အသက်ဆယ်နှစ်ရောက်သောအခါ (ဆွလာသ်ဝတ်မပြုလျှင်) ရိုက်ကြပါ။ ၎င်းတို့ကြား၌ အိပ်ရာများ ခွဲလိုက်ကြပါ။...
• အကြင်သူသည် ဆွလာသ်ဆောက်တည်ရန် မေ့လျော့သွားပါက ၎င်းအားသတိရသည့်အခါ ပြန်လည်ဆောက်တည်လိုက်ပါ။ ထိုသို့ဆောက်တည်ခြင်းမှလွဲ၍ အပြစ်ကိုချေဖျက်ပေးမည့် အခြားအရာဟူ၍မရှိပေ။...