Nabiyaamã, (Wẽnd pʋʋsg la A tɩlgr be a yĩnga), vẽnegame n wilgi, tɩ bũmbã fãa yaa ne kordgo; Halɩ n tʋg n tãag kongre: yẽ me yaa fo sẽn na n bas bũmb ning sẽn yaa tɩlae ne foom tɩ f maanã, la f leb n maan maas-maasa, n yaoond-a n yi a wakatã, sẽn yaa dũni la laahr yεla. Halɩ n tʋg n tãag sɩlem: yẽ me la yĩng yẽegre la yam bedre, dũni wã yεla la laahr yεla. La leb n wilgdame tɩ Wẽnde, -A Naam yɩlgame n zẽke-, Yẽ n kord kongre, Yẽ la Tõod ne bũmb fãa gilli, ka yɩt yel-yɩtɩ wã pʋsẽ, rẽnda bũmb ning sẽn da reng Wẽnd minim la A raab pʋgẽ.

• Hadiisã wilgda sahaabsã loεεga, -Wẽnd yard be b yĩnga-, ne Wẽnd kordgẽ wã.
• Bũmb fãa sẽn yɩte, a yaa ne Wẽnd kordgo, halɩ n tʋg n tãag kongre la yĩn-yẽegre.
• Bee hadiisã pʋgẽ, sẽn wilgd sahaabsã, b sẽn tar maag-m-meng la gũusg wʋsgo, -Wẽnd yard be b yĩngã-, sẽn kẽed ne Wẽnd Tẽn-tʋʋma hadiis-rãmbã rɩk-n-taasã, (Wẽnd pʋʋsg la A tɩlgr be a yĩnga).
• Bee hadiisã pʋga, tɩ b sõmb n kõo sɩd ne Wẽnd kordgã, a fãa gilli, a noog la a toogo.