Nabiyaamã, -Wẽnd pʋʋsg la A tɩlgr be a yĩnga-, kõo kibare, tɩ dũni ka na n yiki, halɩ tɩ lɩslaambã la Yahuud-rãmba wa zab taaba, Halɩ tɩ Yahuud sã n wa zoe n solg kugr poorẽ, la Wẽnd sẽn kɩt tɩ kugrã gome, n bool lɩslaama, n wilg-a tɩ Yahuuda n be yẽ poorẽ wã, la a wa kʋ-a.

• Bee hadiisã pʋgẽ, Nabiyaamã, -Wẽnd pʋʋsg la A tɩlgr be a yĩnga-, sẽn kõt kibar ne yel-soondɩ sãnda, la sẽn na wate, la rẽ yaa sẽn zems ne Wẽnd sẽn wilg-a, -A Naam zẽkame-, yaa bũmb me sẽn na n yɩ, sik ka a pʋgẽ ye.
• Bee hadiisã pʋgẽ, sẽn wilgd tɩ lɩslaambã na n zaba ne Yahuud-rãmbã, zamaan yaoolem pʋgẽ, la rẽnda yaa sẽn be dũni wã yikr tagmas pʋgẽ.
• Hadiisã wilgdame tɩ lɩslaoongã dĩin na n paame, halɩ n tʋg n tãag dũni yikri, a na n leb n wila dĩin-rãmbã fãa gilli.
• Bee hadiisã pʋgẽ, Wẽnd sẽn sõngd lɩslaambã b bε wã zugu, ne A sẽn kɩt tɩ kugrã na n gome, zamaan yaoolem wakato.