عائیشە دایكی ئیمانداران -ڕەزای خوای لێبێت- بۆمان دەگێڕێتەوە كە ئافرەتێکی هەژار هات بۆ لای ودوو کچی لە باوەشدا بوو، ئەویش (عائیشە) سێ خورمای پێ بەخشی، ئافرەتەكە دوو خورمای دا بە منداڵەكانی، وسێیەم خورمای بەرز کردەوە بۆ دەمی بۆئەوەى بیخوات، بەڵام کچەکانى داواى ئەو خورمایەیشیان كرد كە دەیویست بیخوات، بۆیە ئافرەتەکە خورماكەی کرد بە دوو لەتەوە ودابەشی كرد بەسەریاندا، كردەوەی ئافرەتەكە عائیشەی تووشی سەرسوڕمان کرد، بۆیە باسیکرد بۆ پێغەمبەر -صلى اللە علیە وسلم-، ئەویش فەرمووی: خواى گەورە بەهۆی ئەو کارەیەوە بەهەشتی بۆ مسۆگەر كرد، یان بەهۆی ئەو کارەیەوە لە دۆزەخ ڕزگاری کرد.

• فەزڵ وپلە وپایەى خێرکردن کە بەڵگەیە لەسەر ڕاستگۆیی باوەڕی ئیماندار بە خواى گەورە، ومتمانەبوونی بە پەیمان وفەزڵی پەروەردگاری.
• گەورەیی سۆز وڕەحمەتی دایکان بەرامبەر منداڵەکانیان وترسیان لەوەى تووشی تیاچوون وزیان ببن.
• فەزڵ وپلە وپایەی بەخشین بە کەسێکی تر وخۆ بێبەشكردن لێی، وبە ڕەحم بوون بەرامبەر بچووکەکان، وچاکەکاری ونەرمونیانی بوون بەرامبەر کچان؛ ئەمانە هۆکاری چوونە بەهەشت وڕزگاربوونن لە دۆزەخ.
• کەمی هەر شتێک نابێتە هۆکاری نەبەخشینی، بەڵكو خێرخواز پێویستە خێر بكات بەوەی لەبەردەستدایە ئەگەر كەم یان زۆر بێت.
• ئاماژەیە بۆ حاڵ وگوزەرانی ماڵەكانی پێغەمبەر -صلى اللە علیە وسلم- وچۆن خۆی وخێزانەکانی دەژیان، وهیچ شتێك لە ماڵەكانیاندا نەبووە بۆ خواردن جگە لە خورمایەك یان سێ خورما نەبێت.

1. سه‌ره‌كی
2. فەزڵەکان وئادابەکان
3. فەزڵەکان
4. فەزڵی کردەوە چاکەکان
5. فەرموودە

• هەواڵم پێبدە سەبارەت بە پیاوێک کردەوەى چاک دەکات، وخەڵکی بەهۆیەوە ستایشی دەکەن؟ فەرمووی: ئەوە موژدەى بەپەلەیە بۆ ئیماندار
• خوای گەورە دەفەرموێت: هیچ شتێک بۆ بەندەکەم نییە ئەگەر ڕۆحی خۆشەویستەکەیم کێشا جگە لە بەهەشت نەبێت؛ ئەگەر ئەو ئارام بگرێت وداوای پاداشت بکات...
• هەرکەسێک پرسیاری هەرشتێکی بکردایە لە پێغەمبەر -صلى اللە علیە وسلم-، نەیدەفەرموو: نەخێر
• پێنج نوێژەکە، و ھەینی بۆ ھەینی، و ڕەمەزان بۆ رەمەزان، ھەموویان دەبنە ھۆی سڕینەوەی تاوان وگوناھەکانی نێوانیان، ئەگەر ھاتوو مرۆڤی موسڵمان خۆی بەدوور گرت لە تاوانە گەورەکان...