ام المؤمنین عائشه رضي الله عنها وایي چې یوې غریبې ښځې خپلې دوه لورګانې له ځان سره راوستې او له هغې یې سوال وکړ، نو هغې درې خرماوې ورکړې، ښځې هرې لور ته یوه خرما ورکړه او یوه یې خپلې خولې ته پورته کړه چې ویې خوري، خو لورګانو یې ترې هغه هم وغوښته چې غوښتل یې خپله یې وخوري، نو د هغوی دواړو تر منځه یې دوه نیمه کړه، عائشه رضي الله عنها د ښځې د دې حالت په لیدو حیرانه شوه او د هغې کیسه یې رسول الله صلی الله علیه وسلم ته وکړه، نو هغه وفرمایل: یقینا چې الله تعالی ورته په هغې خرما سره جنت واجب کړ، او یا دا چې له اور څخه یې پرې ازاده کړه.

• د صدقې فضیلت، که څه هم لږه وي، او دا چې صدقه د مؤمن په خپل رب ایمان، د هغه پر وعده په باور کولو باندې دلالت کوي.
• پر خپلو ماشومانو د مېندو لویه مهرباني، او پر ضایع کېدو یې وېره.
• پر ځان بل ته د لومړیتوب ورکولو فضیلت، پر کوچنیانو ترحم، د لورګانو سره زیاته نیکي او پرې شفقت، جنت ته د ننوتلو او له دوزخ څخه د خلاصون لامل دي.
• لږ مال خېراتول باید د لږوالي له امله د خېراتولو پر وړاندې خنډ ونه ګرځي، بلکې خېرات کوونکي ته په کار دي هغه څه خېرات کړي چې ورته اسان وي؛ هغه که لږ وي او یا ډېر.
• په حدېث کې د رسول الله صلی الله علیه وسلم د کورنیو د ژوند څرګوالی بیان شوی او دا چې ده او کورنۍ به یې له یوې او یا دریو خرماوو پرته د خوړلو لپاره نور څه نه درلودل.

1. کور‌پاڼه
2. فضایل او آداب
3. فضیلتونه
4. د نیکو عملونو فضیلونه
5. حدیث

• أَفْضَلُ دِينَارٍ يُنْفِقُهُ الرَّجُلُ، دِينَارٌ يُنْفِقُهُ عَلَى عِيَالِهِ، وَدِينَارٌ يُنْفِقُهُ الرَّجُلُ عَلَى دَابَّتِهِ فِي سَبِيلِ اللهِ، وَدِينَارٌ يُنْفِقُهُ عَلَى أَصْحَابِهِ فِي سَبِيلِ اللهِ...
• پنځه وخته لمونځونه، له یوې جمعې څخه تر بلې پورې، او له یو رمضان څخه تر بل پورې، د دوی تر منځه د ګناهونو کفاره ده پدې شرط چې له کبیره ګناهونو څخه ځان وساتل شي...
• هره نیکي صدقه ده
• په داسې حال کې چې یو سړی په لاره روان و نو یوه اغزي لرونکي څانګه یې وموندله او د لارې له سر څخه یې لرې کړه، نو الله تعالی ترې منندویي وکړه (ترې راضي شو) او بخښنه یې ورته وکړه...