മുഅ്മിനീങ്ങളുടെ മാതാവായ ആഇശ -رَضِيَ اللَّهُ عَنْهَا- ഒരു ദരിദ്രയായ സ്ത്രീ തൻ്റെ രണ്ട് പെൺമക്കളെയും വഹിച്ചു കൊണ്ട് അവരുടെ അടുത്ത് വരികയും, തൻ്റെ ആവശ്യം പറയുകയും ചെയ്തപ്പോൾ അവർക്ക് മൂന്ന് ഈത്തപ്പഴങ്ങൾ നൽകിയ സംഭവമാണ് ഈ ഹദീഥിൽ വിവരിക്കുന്നത്. ആ സ്ത്രീ തനിക്ക് ലഭിച്ചതിൽ രണ്ട് ഈത്തപ്പഴങ്ങൾ തൻ്റെ കുട്ടികൾക്ക് നൽകിയ ശേഷം ബാക്കിയുള്ള ഈത്തപ്പഴം ഭക്ഷിക്കാനായി വായിലേക്ക് ഉയർത്തിയപ്പോഴാണ് അവളുടെ രണ്ട് മക്കളും ആ ഈത്തപ്പഴവും തങ്ങൾക്ക് നൽകാൻ ആവശ്യപ്പെട്ടത്. എന്നാൽ ആ സ്ത്രീ താൻ കഴിക്കാൻ ഉദ്ദേശിച്ച ആ ഈത്തപ്പഴം രണ്ടായി പിളർത്തിയ ശേഷം തൻ്റെ രണ്ട് മക്കൾക്കും അത് വീതംവെച്ചു നൽകി. ആഇശാ -رَضِيَ اللَّهُ عَنْهَا- യെ ഈ പ്രവർത്തി ഏറെ അത്ഭുതപ്പെടുത്തി. അവൾ ചെയ്ത കാര്യം നബി -ﷺ- യോട് ഉണർത്തിയപ്പോൾ അവിടുന്ന് പറഞ്ഞു: "ആ ഈത്തപ്പഴം (മക്കൾക്ക് നൽകിയത്) കാരണത്താൽ അല്ലാഹു അവൾക്ക് സ്വർഗം നിർബന്ധമാക്കിയിരിക്കുന്നു. അല്ലെങ്കിൽ നരകത്തിൽ നിന്ന് അവളെ മോചിപ്പിച്ചിരിക്കുന്നു."

• ദാനധർമ്മങ്ങൾ -അതെത്ര കുറച്ചാണെങ്കിലും- അതിശ്രേഷ്ഠമാണ്. അല്ലാഹുവിലുള്ള ഒരാളുടെ വിശ്വാസത്തിൻ്റെ സത്യസന്ധതയും അവൻ്റെ വാഗ്ദാനത്തിലും ഔദാര്യത്തിലുമുള്ള അയാളുടെ ഉറച്ച പ്രതീക്ഷയും ബോധ്യപ്പെടുത്തുന്ന പ്രവർത്തിയാണത്.
• മാതാക്കൾക്ക് അവരുടെ മക്കളോടുള്ള അതിയായ കാരുണ്യവും, അവരെ നഷ്ടപ്പെടുമോ എന്ന ശക്തമായ ഭയവും ഈ സംഭവം ബോധ്യപ്പെടുത്തുന്നുണ്ട്.
• സ്വന്തത്തേക്കാൾ മറ്റുള്ളവരുടെ ആവശ്യങ്ങൾ പരിഗണിക്കുന്നതും, ചെറിയവരോട് കരുണ കാണിക്കുന്നതും, പെൺമക്കളോട് കൂടുതൽ നന്മയും സൗമ്യതയും പുലർത്തുന്നതുമെല്ലാം സ്വർഗപ്രവേശനത്തിനും നരകമോചനത്തിനും കാരണമാകുന്ന പ്രവർത്തികളാണ്.
• ദാനധർമം നൽകാൻ വളരെ കുറച്ചു മാത്രമേ കയ്യിലുള്ളൂ എന്നത് കൊണ്ട് അതിൽ നിന്ന് പിന്നോട്ടു നിൽക്കരുത്. മറിച്ച്, എത്ര കുറവാണെങ്കിലും കൂടുതലാണെങ്കിലും സാധ്യമാകുന്നത് ദാനമായി നൽകാനാണ് ശ്രമിക്കേണ്ടത്.
• നബി -ﷺ- യുടെ വീട്ടുകാരുടെ സ്ഥിതി എന്തായിരുന്നു എന്നതും, അവരുടെ ജീവിതം എപ്രകാരമായിരുന്നു എന്നതും ഈ ഹദീഥിൽ നിന്ന് മനസ്സിലാക്കാവുന്നതാണ്; ഒന്നോ രണ്ടോ മൂന്നോ ഈത്തപ്പഴമല്ലാതെ അവരുടെ വീട്ടിൽ ഭക്ഷിക്കാൻ യാതൊന്നുമുണ്ടായിരുന്നില്ല.

1. മെയിൻ പേജ്
2. ശ്രേഷ്ഠതകളും സ്വഭാവമര്യാദകളും
3. ശ്രേഷ്ഠതകൾ
4. സൽക്കർമ്മങ്ങളുടെ ശ്രേഷ്ഠതകൾ
5. ഹദീസ്

• നിങ്ങളുടെ വീടുകളെ നിങ്ങൾ ഖബ്റുകളാക്കരുത്. നിങ്ങൾ എൻ്റെ ഖബ്റിനെ ആരാധനകേന്ദ്രമാക്കുകയും ചെയ്യരുത്. എൻ്റെ മേൽ നിങ്ങൾ സ്വലാത്ത് ചൊല്ലിക്കൊള്ളുക; നിങ്ങൾ എവിടെയായിരുന്നാലും നിങ്ങളുടെ സ്വലാത്ത് എനിക്ക് എത്തുന്നതാണ്...
• വാതിലുകൾക്കരികിൽ നിന്ന് അകറ്റപ്പെടുന്ന ജടകുത്തിയ എത്രയെത്ര പേരുണ്ട്; അവൻ അല്ലാഹുവിൻ്റെ പേരിൽ ഒരു കാര്യം സത്യം ചെയ്താൽ അല്ലാഹു അത് യാഥാർത്ഥ്യമാക്കുന്നതാണ്...
• അല്ലാഹുവിൻ്റെ മാർഗത്തിൽ ഒരു ദിവസം (ഇസ്‌ലാമിക രാജ്യത്തിൻ്റെ) അതിർത്തിക്ക് കാവൽ നിൽക്കുന്നതാണ് ഇഹലോകവും അതിന്മേലുള്ളതിനേക്കാളും ഉത്തമമായിട്ടുള്ളത്...
• നിങ്ങളിൽ അല്ലാഹുവിനെ ഏറ്റവുമധികം ഭയപ്പെടുന്നതും, അവനെക്കുറിച്ച് ഏറ്റവും നന്നായി അറിയുന്നതും ഞാനാണ്...