Binanggit ng Ina ng mga Mananampalataya na si `Ā'ishah (malugod si Allāh sa kanya) na may isang babaing dukha na nagdala ng dalawang babaing anak nito sa kanya. Nanghingi ito sa kanya kaya pinakain niya ito ng tatlong pirasong datiles. Nagbigay naman ito sa bawat isa sa dalawang anak nito ng isang datiles at nag-angat ito papunta sa bibig nito ng isang datiles upang kainin ito ngunit hiniling ng dalawang babaing anak nito ang datiles — na kanina ay ninanais niyang kainin — kaya hinati nito ang datiles sa dalawang bata. Kaya nagpamangha kay `Ā'ishah (malugod si Allāh sa kanya) ang inasal nito. Binanggit niya ang ginawa ng babae sa Propeta (basbasan siya ni Allāh at pangalagaan) kaya nagsabi ito: "Tunay na si Allāh ay nag-obliga nga para sa kanya dahil sa datiles na ito ng Paraiso o nagpalaya sa kanya dahil dito mula sa Impiyerno."

• Ang kainaman ng kawanggawa kahit pa ito ay kaunti. Ito ay nagpapatunay sa katapatan ng mananampalataya sa pananampalataya niya sa Panginoon niya at pagtitiwala niya sa pangako Nito sa kabutihang-loob Nito.
• Ang katindihan ng awa ng mga ina sa mga anak at ang takot nila sa pagkapariwara ng mga ito.
• Ang kainaman ng altruismo sa tao, ang pagkaawa sa mga nakababata, at ang pagdagdag ng kagandahang-loob at kabaitan sa mga anak na babae, at na iyon ay isang kadahilanan para sa pagpasok sa Paraiso at pagkalaya mula sa Impiyerno.
• Ang kaunti ay hindi nakapipigil sa pagkakawanggawa nito dahil sa pagkahamak nito; bagkus nararapat sa tagapagkawanggawa na magkawanggawa siya ng naisaposible para sa kanya, kumaunti man ito o dumami man ito.
• Nasaad dito ang lagay noon ng mga bahay ng Propeta (basbasan siya ni Allāh at pangalagaan) at kung papaano noon ang pamumuhay niya at ng mag-anak niya habang wala sa bahay nila ang makakain maliban sa isang pirasong datiles o tatlong pirasong datiles.

1. Ang Pangunahin
2. Ang mga Kainaman at ang mga Kaasalan
3. Ang mga Kainaman
4. Ang mga Kainaman ng mga Gawang Maayos
5. Ang ḥadīth

• Ayon kay Anas malugod si Allah sa kanya-Nagsabi siya:Dumaan sila sa isang ililibing,pinuri nila ito ng maganda,Nagsabi ang propeta -pagpalain siya ni Allah at pangalagaan-((karapat-dapat)),pagkatapos ay dumaan sa kanila ang isa pa,pinuri ni...
• Ang sinumang nagtaguyod ng dalawang batang babae hanggang sa nahustong gulang silang dalawa, darating sa Araw ng Pagbangon ako at siya." Nagdikit siya ng mga daliri niya.}
• Tunay na ang pinakamalapit sa mga tao kay Allah ay ang nagsimula sa kanila sa pagbati
• Ang pinakamabuti sa mga tao ay ang sinumang humaba ang buhay niya at gumanda ang gawa niya