የአማኞች እናት ዓኢሻ (አላህ መልካም ስራዋን ይውደድላትና) እንዳወሳችው: አንድ ሚስኪን ሴት ሁለት ሴት ልጆቿን ተሸክማ ዓኢሻን ለመነቻት። ዓኢሻም ሶስት ቴምሮችን ሰጠቻት። ለእያንዳንዷ ልጆቿ አንድ አንድ ቴምር ሰጠችና አንዷን ቴምር ደግሞ ልትበላት ወደ አፏ አስጠጋች። ነገር ግን ልትበላት የፈለገቻትን አንዷን ቴምር ሁለቱ ልጆቿ መፈለጋቸውን ተረዳችና ያንኑም ቴምር ለሁለት ከፍላ አከፋፈለቻቸው። የሴትዬዋ ጉዳይም ዓኢሻን (አላህ መልካም ስራዋን ይውደድላትና) ስለደነቃት ሴትዬዋ የሰራችውን ሁሉ ለነቢዩ (የአላህ ሶላትና ሰላም በርሳቸው ላይ ይስፈንና) ነገረቻቸው። እርሳቸውም እንዲህ አሏት: "አላህ በዚህች ተምር ምክንያት ወይ ጀነትን ግድ አድርጎላታል፤ ወይም ደሞ በዚህች ተምር ምክንያት ከእሳት ነፃ አድርጓታል።

• ምፅዋት ብታንስ እንኳ ያላትን ደረጃ እንረዳለን። ምፅዋት አማኝ በጌታው ላይ ያለው እምነት እውነተኛ እንደሆነና ጌታው በገባለት ቃልና ደረጃ መተማመኑን ይጠቁማል።
• እናቶች ለልጆቻቸው ያላቸውን ከፍተኛ እዝነትና ልጆቻቸው እንዳይጎዱ ያላቸውን ስስት እንረዳለን።
• ከነፍስ በላይ ሌላን ማስቀደም፣ ለህፃናት ማዘን፣ ለሴት ልጆች ሲሆን ደግሞ ተጨማሪ ደግነትና እዝነት ማሳየት ያለውን ደረጃና ይህም ጀነት ለመግባትና ከእሳት ነፃ ለመውጣት አንዱ ምክንያት እንደሆነ እንረዳለን።
• ትንሽ ነገርን አሳንሶ በማየት አለመመፅወት አግባብ አይደለም። ይልቁንም ምፅዋት ሰጪው አነስም በዛ የገራለትን መመፀወት ይገባዋል።
• ከዚህ ሐዲሥ ከምንወስዳቸው ቁምነገሮች መካከል የነቢዩ (የአላህ ሶላትና ሰላም በርሳቸው ላይ ይስፈንና) ቤቶች የነበሩበት ተጨባጭ እንዴት እንደነበር የርሳቸውና የሚስቶቻቸው ኑሮ ምን ይመስል እንደነበር እንረዳለን። በወቅቱ ከተወሰኑ ወይም ከሶስት ተምር የበለጠ ቤታቸው የሚበላ እንዳልነበረ እንረዳለን።

1. ዋና ገፅ
2. ትርፍ ተግባራትና ስነ-ስርዓት
3. ደረጃ ያላቸው ስራዎች
4. የመልካም ስራዎች ትሩፋቶች
5. ሓዲሥ

• ትላልቅ ወንጀሎችን ከተጠነቀቀ አምስቱ ሶላቶች፣ ከጁሙዐ እስከ ጁሙዐ፣ ከረመዳን እስከ ረመዳን በመካከላቸው የተሰሩትን ወንጀሎች ያስሰርዛሉ።
• መልካም ነገሮች ሁሉ ምፅዋት ናቸው።
• ጌታችሁን አላህ ፍሩ፣ አምስት (አውቃት) ሶላታችሁን ስገዱ ፣ የፆም ወራችሁን ፁሙ፣ የገንዘባችሁንም ዘካ ስጡ፣ መሪያችሁን ታዘዙ፤ የጌታችሁን ጀነት ትገባላችሁ።...
• እናንተ ሰዎች ሆይ! ሰላምታን አስፋፉ፣ ምግብንም አብሉ፣ ዝምድናን ቀጥሉ፣ ሰዎች በተኙበት በሌሊት ስገዱ በሰላም ጀነት ትገባላችሁ።