উম্মুল মুমিনীন আঈশ্বা ৰাদ্বিয়াল্লাহু আনহাই বৰ্ণনা কৰিছে যে, এজনী দুখীয়া মহিলাই দুটি কন্যা শিশু কোলাতলৈ মোৰ ওচৰলৈ আহি ভিক্ষা খুজিলে। মই তাইক তিনিটা খেজুৰ খাবলৈ দিলোঁ। কিন্তু তাই খেজুৰ তিনিটা লৈ এটা এটাকৈ ছোৱালী দুজনীক ভগাই দিলে আৰু এটা নিজে খাবলৈ মুখৰ ফালে আনিলে, কিন্তু তাইৰ শিশু দুটিয়ে সেইটোও বিচাৰিলে। এই দেখি তাই খেজুৰটো ফালি দুভাগ কৰি দুয়ো শিশুক ভগাই দিলে। ঘটনাটো দেখি আঈশ্বা ৰাদ্বিয়াল্লাহু আনহাই মুগ্ধ হ'ল আৰু তেওঁ ঘটনাটো নবী চাল্লাল্লাহু আলাইহি অছাল্লামৰ ওচৰত বৰ্ণনা কৰিলে। ঘটনাটো শুনি তেখেতে ক'লেঃ নিশ্চয় মহান আল্লাহে তাইৰ এই এটা খেজুৰৰ বিনিময়ত তাইৰ বাবে জান্নাত ওৱাজিব কৰিছে, নাইবা তাইক ইয়াৰ ফলত জাহান্নামৰ পৰা মুক্ত কৰি দিছে।

• হাদীছটোত চাদাক্বাৰ ফজীলত বৰ্ণিত হৈছে, যদিও সেয়া সামান্য পৰিমাণৰে নহওক কিয়। এইটো হৈছে মুমিন ব্যক্তিৰ নিজ প্ৰতিপালকৰ প্ৰতি থকা ঈমানৰ সত্যতাৰ প্ৰমাণ, লগতে তেওঁৰ প্ৰতিশ্ৰুতি আৰু অনুগ্ৰহৰ প্ৰতি থকা আস্থাৰ প্ৰমাণ।
• সন্তানসকলৰ প্ৰতি থকা মাকৰ অত্যন্ত মুহাব্বতৰ বহিঃপ্ৰকাশ, তেওঁলোকে সদায় সন্তানৰ ক্ষতিৰ পৰা সাৱধান থাকে।
• হাদীছটোত আত্মত্যাগ, সন্তানৰ প্ৰতি থকা কৰুণা, কন্যাসকলৰ প্ৰতি থকা অত্যন্ত দয়া আৰু কোমলতাৰ ফজীলত উল্লেখ হৈছে। লগতে এইটো হৈছে জান্নাতত প্ৰৱেশ কৰাৰ আৰু জাহান্নামৰ পৰা মুক্তি পোৱাৰ অন্যতম কাৰণ।
• পৰিমাণত কম বুলি নগণ্য ভবাটো দান-খয়ৰাতৰ ক্ষেত্ৰত বাধা হ'ব নোৱাৰে। বৰং দানকাৰী ব্যক্তিয়ে নিজৰ সামৰ্থ অনুযায়ী কম হওক বা বেছি দান কৰিব লাগে।
• হাদীছটোত নবী চাল্লাল্লাহু আলাইহি অছাল্লামৰ ঘৰৰ অৱস্থা আৰু তেখেতৰ পৰিয়ালে কেনেকৈ জীৱন-যাপন কৰিছিল সেইটোও উল্লেখ হৈছে যে, তেওঁলোকৰ ঘৰত কেইটামান খেজুৰৰ বাহিৰে আন একো খোৱা বস্তু নাছিল।

1. মুখ্য পৃষ্ঠা
2. ফজিলত আৰু শিষ্টাচাৰসমূহ
3. ফাজাইল
4. নেক আমলৰ ফাজাইল
5. হাদীছ

• হে মানৱজাতি! তোমালোকে ছালাম প্ৰচাৰ কৰা, মানুহক আহাৰ কৰোৱা আৰু আত্মীয়তাৰ বন্ধন অটুট ৰখা। ৰাতিত যেতিয়া সকলোৱে টোপনিত যায় তেতিয়া উঠি চালাত আদায় কৰা। (এনেকুৱা কৰিলে) সহজে জান্নাতত প্ৰৱেশ কৰিব পাৰিবা।...
• সকলো সৎকৰ্মই হৈছে চাদাক্বাহ।
• তোমালোকে নিজৰ ঘৰবোৰক কবৰস্থানত পৰিণত নকৰিবা আৰু মোৰ কবৰকো মেলাৰ স্থল নবনাবা। তোমালোকে মোৰ ওপৰত দুৰূদ পাঠ কৰা। তোমালোকে য’তেই নাথাকা কিয় তোমালোকৰ দুৰূদ মোৰ ওচৰলৈ পৌঁচাই দিয়া হয়।...
• মানুহে যিবোৰ দীনাৰ (স্বৰ্ণমুদ্ৰা) ব্যয় কৰে, সেইবোৰৰ মাজত সৰ্বোত্তম দীনাৰ হৈছে সেইটো, যিটো তেওঁ নিজ পৰিয়ালবৰ্গৰ বাবে ব্যয় কৰে। ইয়াৰ পিছত সেই দীনাৰ সৰ্বোত্তম, যিটো তেওঁ আল্লাহৰ পথত (জিহাদ কৰিবলৈ) নিজৰ পৰিবহণৰ বাবে ব্যয় কৰে। ইয়াৰ পিছত সেই দীনা...