پیاوێكی دەشتەكی پرسیاری لە پێغەمبەری خودا كرد -صلى اللە علیە وسلم- بۆئەوەی زیكرێكی فێر بكات وئەویش بەردەوام بیڵێت، پێغەمبەر -صلى اللە علیە وسلم- فەرمووی: بڵێ: (لَا إِلَهَ إِلَّا اللهُ وَحْدَهُ لَا شَرِيكَ لَهُ : هیچ پەرستراوێک شایستەی پەرستن نییە بە هەق وڕاستی جگە لە الله وهیچ شەریک وهاوبەشێکی نییە) : سەرەتا بە شاهێدی دان بە تەوحید -بە یەك خوا پەرستی- دەستیپێكرد. (اللهُ أَكْبَرُ كَبِيرًا : خودا گەورەترین وشکۆدارترینە): واتا : خوای گەورە لە هەموو كەسێك وشتێك مەزنترە. (وَالْحَمْدُ لِلَّهِ كَثِيرًا : حەمد وسوپاسی زۆر بۆ الله) : واتا: حەمد وستایشی زۆر بۆ الله لەسەر سیفەت وكردەوەكانی، ونیعمەتەكانی كە لە ژماردن نایەت. (سُبْحَانَ اللهِ رَبِّ الْعَالَمِينَ : پاک وبێگەردە ودوورە لە هەموو کەموکورتیەک پەروەردگاری هەموو جیهانیان) : واتا: الله پاك وبێگەردە لە هەموو عەیب وكەموكورتیەك. (لَا حَوْلَ وَلَا قُوَّةَ إِلَّا بِاللهِ الْعَزِيزِ الْحَكِيمِ : هیچ هێز وتوانایەکمان نیە مەگەر هێز وتوانا ویارمەتیەک لە لایەن خوداوە پێمان ببەخشرێت، خودا شکۆدارە ودانایە) : واتا: هیچ حاڵێك ناگۆڕێت بۆ حاڵێكی تر مەگەر بە یارمەتی وسەرخستنی الله نەبێت. پیاوەكە ووتی: ئەم وشانە بۆ پەروەردگارمە بۆ یادكردنی و بەمەزندانانی، ئەی بۆ نەفسی خۆم چی بڵێم؟ پێغەمبەر -صلى اللە علیە وسلم- فەرمووی: بڵێ: (اللهُمَّ اغْفِرْ لِي : خودایە، لێم خۆش بە) : بە سڕینەوەی گوناهەكان وداپۆشینیان. (وَارْحَمْنِي : وڕەحمم پێبکە): بەوەی سوود وبەرژەوەندییە دونیایی وئاینیەكانم پێ ببەخشیت. (وَاهْدِنِي : وهیدایەتم بدە): ڕێنموێنیم بكە بۆ چاكترین حاڵ و بۆ سەر ڕێبازی ڕاست. (وَارْزُقْنِي : وڕزقم بدە): لە سامانی حەڵاڵ وتەندروستی باش وهەموو خێر وسەلامەتیەك.

• ئامۆژگاری وهاندان بۆ یادكردنی خواى گەورە، ئەمیش بە ووتنی: (سبحان الله، الحمد لله، ﻻ إله إﻻ الله، الله أکبر).
• سونەتە -موستەحەبە- مرۆڤ یادی خواى گەورە بکات وستایشی بکات پێش ئەوەى دەست بکات بە نزا کردن.
• سونەتە نزا بکات بە ووتنی جوانترین وباشترین وشەکان، وهەروەها بە ووتنی ئەو نزایانەش لە سونەتدا هاتووە؛ کە کۆی خێری دونیا وقیامەتیان تێدایە، هەروەها دەتوانێت بەویستی خۆی هەر نزایەکی تر بکات.
• پێویستە بەندە سوور بێت لەسەر فێربوونی ئەو شتانەى سوودی بۆی دەبێت لە دونیا وقیامەتدا.
• ئامۆژگاری كردن بە داواكردنی لێخۆشبوون وڕەحمەت وڕزق، چونكە كۆی خێر وچاكەكان لەمانەدایە.
• ڕەحمەت وبەزەیی پێغەمبەر -صلى اللە علیە وسلم- لەسەر ئومەتەکەی؛ دەیەوێت ئەوەیان فێر بکات کە سوودی بۆیان دەبێت.
• ڕەحمەت لەپاش لێخۆشبوون باسكرا ؛ بۆئەوەی پاكبوونەوە كامڵ بێت، لێخۆشبوون پۆشینی گوناهەكان وسڕینەوەیانە ودوورخستنەوەیە لە دۆزەخ، وڕەحمەت گەیشتنە بە خێر وچاكەكان وچوونە بەهەشتە، بەڕاستی ئەمە گەورەترین بردنەوەیە.

1. سه‌ره‌كی
2. فەزڵەکان وئادابەکان
3. فیقهی نزا وزیکرەکان
4. ڕێبازی پێغەمبەر ﷺ لە زیکر کردندا
5. فەرموودە

1. سه‌ره‌كی
2. فەزڵەکان وئادابەکان
3. فیقهی نزا وزیکرەکان
4. ئەو نزایانەی کە لە قورئان وسونەتدا هاتووە
5. فەرموودە

• نزاى: ( اللهم إني أعوذ بك مِنَ البَرَصِ، والجُنُونِ، والجُذَامِ، وَسَيِّيءِ الأسْقَامِ )
• ووتم: ئەی پێغەمبەری خودا، نزایەکم فێر بکە، فەرمووی: بڵێ: ( اللهم إني أعوذ بك من شر سمعي، ومن شر بصري، ومن شر لساني، ومن شر قلبي، ومن شر منيي )...
• پێغەمبەری خودا -صلى اللە علیە وسلم- زۆرجار دەیووت: «يَا مُقَلِّبَ القُلُوبِ ثَبِّتْ قَلْبِي عَلَى دِينِكَ
• دڵی هەموو نەوەکانى ئادەم لە نێوان دوو پەنجەن لە پەنجەکانى خوداى میهرەبان (الرحمان)، وەکو یەک دڵ، بە ویستی خۆی دڵەکان هەڵدەگێڕێتەوە بۆ هەر مەبەستێک بیەوێت...