गाउँबाट आएका एक सहाबीले रसूल (सल्लल्लाहु अलैहि वसल्लम) लाई केही जिक्रहरू सिकाउन आग्रह गरे । रसूल (सल्लल्लाहु अलैहि वसल्लम) ले भन्नुभयो : भन : "ला इलाह इल्लल्लाहु वह्-दहू ला शरीक लहु ।" उहाँले तौहीद (एकेश्वरवाद) को गवाही बाट सुरु गर्नुभयो, जसको अर्थ हो: 'अल्लाह बाहेक कोही सत्य पूज्य छैन ।' "अल्लाहु-अक्बर कबीरा" अर्थ : अल्लाह सबै भन्दा महान र ठूलो हुनुहुन्छ । "वल्हम्दु-लिल्लाहि कषीरा" अर्थ : अल्लाहका गुणहरू, कार्यहरू र उहाँका अनगिन्ती आशीर्वादहरूका लागि धेरै प्रशंसा छन्। "सुब्हानल्लाहि रब्बिल-आलमीन्" अर्थ : उहाँ हरेक कमी-कमजोरी र त्रुटिबाट पवित्र हुनुहुन्छ । "ला हौल वला कुव्वत इल्ला बिल्लाहिल-अजीजिल-हकीम" अर्थ: अल्लाहको सहयोग, कृपा र इच्छाबिना एक अवस्थाबाट अर्को अवस्थामा परिवर्तन हुन सम्भव छैन। यो सुनेर गाउँलेले भन्यो: यी शब्दहरू त मेरा रबको स्तुति र महिमाका लागि भए, मैले चैं आफ्नो लागि के दुआ (प्रार्थना) गरुँ? रसूल (सल्लल्लाहु अलैहि वसल्लम) ले भन्नुभयो : भन : "'अल्लाहुम्मग्-फिर्ली" हे अल्लाह! मेरा पापहरूलाई मेटिदिनुहोस् र मेरा पापहरु कसैलाई थाहा नहोस्, र हे अल्लाह! मलाई क्षमा गरिदिनुहोस् । "वर्-हम्नी" मलाई धार्मिक र सांसारिक लाभहरू प्रदान गरेर ममाथि दया गर्नुहोस् । "वह्दिनी" मलाई उत्तम अवस्था र सीधा मार्गतर्फ मार्गदर्शन गर्नुहोस् । "वर्जुक्नी" मलाई धन, सुस्वास्थ्य र सबै प्रकारका भलाइ प्रदान गर्नुहोस् ।

• यसमा सुब्हानल्लाह, अल्हम्दु लिल्लाह र अल्लाहु अकबर द्वारा अल्लाहको प्रशंसा गर्न प्रोत्साहित गरिएको छ ।
• दुआ गर्नु अघि अल्लाहको प्रशंसा र महिमा गर्नु मुस्तहब (पुण्यदायी) हो ।
• मानिसले दुआ (प्रार्थना) गर्दा दुनियाँ (यस लोक) र आखिरत (परलोक) दुवैका भलाइ र राम्रा कुराहरू समावेश भएका प्रमाणित दुआहरू छनोट गर्नु मुस्तहब (उत्तम) मानिन्छ, र त्यसपछि आफूले चाहेको दुआ गर्नु पर्छ।
• व्यक्तिले यस संसार र परलोकमा फाइदा पुर्याउने कुराहरू सिक्न उत्सुक हुनुपर्छ।
• यसमा क्षमा, दया र जीविका (रिज़्क़) माग्नका लागि प्रोत्साहन छ, किनकि यी सबै भलाइ (कल्याण) का संग्रह हुन् ।
• नबी (सल्लल्लाहु अलैहि वसल्लम) आफ्नो उम्मत (अनुयायी) प्रति अत्यन्तै दयालु हुनुहुन्थ्यो, त्यसैले उहाँले उनीहरूलाई फाइदाजनक कुराहरू सिकाउनु हुन्थ्यो।
• दया लाई क्षमा पछि उल्लेख गरिएको छ ताकि शुद्धीकरण पूर्ण हुन सकोस्। क्षमा ले पापहरूलाई लुकाउने, मेटाउने र नरकबाट टाढा राख्ने काम गर्छ, जबकि दया ले भलाइहरू प्रदान गर्ने र स्वर्गमा प्रवेश गराउने काम गर्छ, र यो नै ठूलो सफलता हो।

1. home
2. सद्गुण र आचरण
3. दुआ र जिक्र (स्तुति) को न्यायशास्त्र
4. नबी (सल्लल्लाहु अलैहि वसल्लम) को जिक्र (स्तुति) गर्ने तरिका
5. hadith

1. home
2. सद्गुण र आचरण
3. दुआ र जिक्र (स्तुति) को न्यायशास्त्र
4. प्रमाणित दुआहरू
5. hadith

• निश्चय नै आदमका सन्तानहरूका सम्पूर्ण हृदयहरू रहमान (अत्यन्त दयावान् अल्लाह) का औँलाहरूमध्ये दुई औँलाको बीचमा एउटै हृदय जस्तै छन्; उहाँले त्यसलाई जसरी र जता चाहनुहुन्छ, त्यतै मोडिदिनुहुन्छ।...
• हे अल्लाह! म तपाईंसँग सबै प्रकारका राम्रा कुराहरू माग्छु, छिटो र ढिलो दुवै, जुन मलाई थाहा छ र जुन मलाई थाहा छैन। म तपाईंमा सबै प्रकारका खराब कुराहरूबाट शरण चाहन्छु, छिटो र ढिलो दुवै, जुन मलाई थाहा छ र जुन मलाई थाहा छैन...
• रसूल (सल्लल्लाहु अलैहि वसल्लम) प्रायः यो दुआ (प्रार्थना) गर्नुहुन्थ्यो: ‘रब्बना आतिना फिद्दुन्या हसनह् व फिल्-आखिरति हसनह् व किना अजा बन्नार’ अर्थात हे अल्लाह ! हामीलाई दुनियाँ र आखिरत (लोक-परलोक) दुबै ठाउँमा भलाइ प्रदान गर्नुहोस् र नर्कको ...
• हे अल्लाह! म तपाईंको आशीर्वादको लोपबाट, तपाईंको कल्याणको फिर्ताबाट, तपाईंको अचानक विपत्तिबाट र तपाईंको सबै प्रकारका क्रोधबाट तपाईंको शरण चाहन्छु।...