هەندێك لە هاوەڵان -ڕەزای خوایان لێبێت- پارشێویان كرد لەگەڵ پێغەمبەر -صلى اللە علیە وسلم-، پاشان پێغەمبەر -صلى اللە علیە وسلم- هەستا بۆ ئەنجامدانی نوێژی بەیانی. ئەنەس ووتی بە زەیدی كوڕی سابت -ڕەزای خوایان لێبێت-: ماوەی نێوان بانگدان وتەواو كردنی پارشێو چەندێك بوو؟ زەید -ڕەزای خوای لێبێت- ووتی: هێندەی ماوەی خوێندنی پەنجا ئایەتی مامناوەند، نە ئایەتە درێژ ونە ئایەتە كورتەكان، ونە بە خوێندنەوەی خێرا ونە بە خوێندنەوەی هێواش.

• باشتر وایە پارشێو دوا بخرێت بۆ ماوەیەکی نزیک لە پێش نوێژی بەیانی؛ چونکە ئەگەر دوایبخات بۆ نزیک بانگی بەیانی -دەرکەوتنی بەیان- ئەوا سوودی زیاترە بۆ لاشە ولە ڕۆژیشدا سوودەکەى زیاتر دەبێت.
• بەپەرۆشی هاوەڵان بۆ کۆبوونەوە لە لای پێغەمبەر -صلى اللە علیە وسلم- بۆئەوەى لێیەوە فێر بن.
• جوانی مامەڵەكردنی پێغەمبەر -صلى اللە علیە وسلم- بەرامبەر هاوەڵانی، ئاماژە بۆی لێرەدا ئەوەیە لەگەڵیاندا خواردنی دەخوارد.
• كاتی خۆگرتنەوە لە خواردن وخواردنەوە وئەو شتانەی ڕۆژوو دەشكێنن؛ بە دەركەوتنی بەیانی ڕاستگۆیە.
• كاتێك دەڵێت: (ماوەی نێوان بانگدان وپارشێو چەندێک بوو؟)؛ مەبەست لێی ماوەی نێوان پارشێو وقامەت كردنە بۆ ئەنجامدانی نوێژ، چونكە لە فەرموودەیەكی تردا هاتووە كە دەڵێت: (ماوەی نێوان تەواوكردنی پارشێو وئەنجامدانی نوێژیان چەندێك بوو؟)، وفەرموودەكان یەكتر شیدەكەنەوە.
• موهەلەب دەڵێت: ئاماژەیە بۆ خەمڵاندنی كات بە كردەوەكانی لاشە، وعەرەب زۆرجار كاتەكانیان دەخەمڵاند بە كردەوەكان، هەروەكو دەڵێن: هێندەی كاتی دۆشینی مەڕێك، وهێندەی كاتی سەربڕینی وشترێك، زەیدی كوڕی سابت -ڕەزای خوای لێبێت- ئەم خەمڵاندنەی گۆڕی بۆ خوێندنەوە؛ كە ئاماژەیە بۆ ئەوەی ئەو كاتە كاتی پەرستن بووە لەڕێگەی خوێندنەوەی قورئانەوە، ئەگەر خەمڵاندنیان بكردایە بە شتێكی تر جگە لە كردەوە ئەوا دەیانووت: هێندەی ڕێكردن بەرەو دووریەكی دیاریكراو، یان سێیەك یان پێنج یەكی كاتژمێرێك.
• ئیبن ئەبی جەمرە دەڵێت: پێغەمبەر -صلى اللە علیە وسلم- هەڵسەنگاندنی دەكرد بۆ ئەو شتەی ئاسانترە لەسەر ئومەتەكەی وئەنجامی دەدا؛ چونكە ئەگەر پارشێوی نەكردایە ئەوانیش شوێنی دەكەوتن وئەمە قورسە لەسەر هەندێكیان، ئەگەر لە ناوەڕاستی شەودا پارشێوی بكردایە بەهەمان شێوە قورس بوو لەسەر هەندێكیان؛ ئەوانەی خەو زاڵ دەبێت بەسەریاندا، ولەوەیە ببێتە هۆی ئەوەی نوێژی بەیانی نەكەن یان كۆشش بكەن ونەخەون هەتاوەكو نوێژی بەیانی.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. ڕۆژووگرتن
5. سونەتەکانی ڕۆژووگرتن
6. فەرموودە

• دوو لە هاوەڵانی موحەمەد -صلى اللە علیە وسلم- هەردوویان ناوەستن لە شوێنکەوتن بە دوای خێردا
• جیاوازی لە نێوان ڕۆژووگرتنی ئێمە وڕۆژووگرتنی ئەهلی کتێب؛ خواردنی پارشێوە
• پارشێو بکەن؛ چونکە پارشێوکردن بەرەکەت وپیرۆزی تێدایە
• پێغەمبەر -صلى الله عليه وسلم- ڕۆژووی دەشکاند پێش ئەوەى نوێژ بکات بە سێ خورمای تەڕ