پێغەمبەر -صلى اللە علیە وسلم- هانی مسوڵمانانی داوە بۆ پارشێو كردن، ئەمیش بریتیە لە خواردن لە كۆتایی شەو وەكو ئامادەكارییەك بۆ ڕۆژووگرتن، پارشێو كردن بەرەكەت وخێر وپاداشتی زۆری تێدایە، هەروەها یارمەتیدەرە: بۆ نزا كردن لە كۆتایی شەودا، وبۆ بەهێزی وچالاكبوون لەكاتی بەڕۆژووبووندا، ودەبێتە هۆی كەمكردنەوەی ناڕەحەتیەكانی.

• پارشێوکردن سوننەتە، وئەنجامدانى جێبەجێکردنی فەرمانى شەریعەتە.
• ئیبن حەجەر لە (فتح الباري)دا دەڵێت: بەرەكەت وپیرۆزی لە پارشێودا دێتە دی لە چەند ڕێگایەكەوە، لەوانەیش: شوێنكەوتنی سوننەتە، وپێچەوانەكردنی خاوەن كتێبەكانە -جولەكە وگاوڕەكان-، وبەهێزكردنی لاشەیە بۆ ئەنجامدانی پەرستن، وزیادكردنی چالاكی لاشەیە، ودوورخستنەوەی ڕەوشت خراپیە كە لەوەیە بەهۆی برسێتیەوە ڕووبدات، هۆكارە بۆ خێر كردن لەسەر ئەو كەسەی داوا دەكات یان لەگەڵی دادەنیشێت بۆ خواردن لەو كاتەدا، هۆكارە بۆ زیكر ونزا كردن لە كاتێكدا كە هیوا هەیە بە وەڵامدانەوەی نزا تێیدا، ونوێكردنەوەی نیەتە بۆ ئەو كەسەی بێ ئاگا بووە لێی لە پێش خەوتن.
• جوانى فێرکردنی پێغەمبەر -صلى اللە علیە وسلم- چونکە حوکم وحیکمەتی پێکەوە باسکردووە؛ بۆئەوەى دڵ ئاسوودە وفراوان بێتەوە، هەروەها بەرزی ومەزنی شەریعەت دەربکەوێت.
• ئیبن حەجەر دەڵێت: پارشێو دەكرێت بە كەمترین بڕ لە خواردن وخواردنەوە كە كەسێك دەیخوات یان دەیخواتەوە.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. ڕۆژووگرتن
5. سونەتەکانی ڕۆژووگرتن
6. فەرموودە

• پێغەمبەر -صلى الله عليه وسلم- ڕۆژووی دەشکاند پێش ئەوەى نوێژ بکات بە سێ خورمای تەڕ
• جیاوازی لە نێوان ڕۆژووگرتنی ئێمە وڕۆژووگرتنی ئەهلی کتێب؛ خواردنی پارشێوە
• پارشێومان کرد لەگەڵ پێغەمبەر -صلى اللە علیە وسلم-، پاشان هەستا بۆ نوێژ کردن. ئەنەس دەڵێت: ووتم بەزەید: ماوەی نێوان بانگدان وپارشێو چەندێک بوو؟ ووتی: بە گوێرەی خوێندنی پەنجا ئایەت...
• دوو لە هاوەڵانی موحەمەد -صلى اللە علیە وسلم- هەردوویان ناوەستن لە شوێنکەوتن بە دوای خێردا