ئەعرابیەك چووە نێو مزگەوتی پێغەمبەرەوە -صلى الله عليه وسلم- لە ڕۆژی هەینیدا لە دەروازەیەکی ڕۆژئاوای مزگەوتەكە؛ بەرامبەر بە ماڵی عومەری کوڕی خەتاب -ڕەزای خوای لێبێت-، و پێغەمبەر -صلى الله عليه وسلم- وەستابوو وتاری دەدا، پیاوەکە ڕووی لە پێغەمبەر -صلى الله عليه وسلم- کرد، ووتی: ئەی پێغەمبەری خودا، ئاژەڵەکان لەناوچوون، و ڕێگاکان پچڕان بەهۆی مردنی ئەو ئاژەڵانەی کە خەڵکیان دەگواستەوە یان لەبەر لاوازییان بەهۆی برسێتییەوە، نزا بکە بۆئەوەی خوای گەورە بارانمان بۆ ببارێنێت. پێغەمبەریش -صلى الله عليه وسلم- دەستەکانی بەرز کردەوە، پاشان فەرمووی: خوایە بارانمان بۆ ببارێنە، خوایە بارانمان بۆ ببارێنە، خوایە بارانمان بۆ ببارێنە. ئەنەسی کوڕی مالیک -ڕەزای خوای لێبێت- دەڵێت: سوێند بە خودا، هیچ پارچە هەورێكمان لە ئاسماندا نەدەبینی، و هیچ ماڵ و خانوویەک نەبوو کە ڕێگر بێت لە بینینی هەورەكە؛ لە نێوان ئێمە لە نێو مزگەوتەكە و شاخی سەلع لە ڕۆژئاوای مزگەوتەكە کە هەور لەوێوە دەهات. ئەنەس -ڕەزای خوای لێبێت- دەڵێت: لە پشتی شاخەكەوە هەورێکی خڕ وەک قەڵغانێک دەرکەوت و پارچەیەكی بچووک بوو، کاتێک گەیشتە ناوەڕاستی ئاسمانی مەدینە بڵاوبوویەوە، پاشان بارانی باری، سوێند بە خودا، هەتا هەینی داهاتوو خۆرمان نەبینی بەهۆی باران بارینەوە، پاشان هەر ئەو پیاوە لە هەمان دەروازە هاتەوە ژوورەوە بۆ نێو مزگەوت، و پێغەمبەر -صلى الله عليه وسلم- وەستا بوو وتاری دەدا، پیاوەکە بە وەستاوی ڕووی لێکرد، ووتی: ئەی پێغەمبەری خودا، سامانەکان لەناوچوون، و ڕێگاکان پچڕان، نزا بکە خوای گەورە بارانەکەمان لێ بگرێتەوە. دەڵێت: پێغەمبەر -صلى الله عليه وسلم- دەستەکانی بەرز کردەوە، پاشان فەرمووی: خودایە بارانەکە بە دەوروبەرماندا ببارێنە نەک بەسەرماندا، خودایە بارانەكە بڕوات بۆ سەر ئەو شوێنانەی کە بەرزن لە ئاستی زەوی وەکو گرد، و شاخی بچووک، و ناخی دۆڵەکان، و شوێنی ڕووانی درەختەکان. ئەنەس دەڵێت: هەورە باراناوییەکە پچڕا، و دەرچووین لە مزگەوت و لە ژێر تیشكی خۆردا ڕێمان دەكرد.

• جێبەجێکردنی هۆکارەکان بۆ داواکردنی ڕزق: لە نزاکردن وگەڕان بەسەر زەویدا، ئەمانە پێچەوانەی تەوەکول نین بە خواى گەورە -سبحانه وتعالى-.
• نزاکردن بەم نزا نەبەویە سونەتە؛ بۆ داواکردنی باران بارین.
• دروستە نزای وەستانی باران بارین بکرێت ئەگەر خەڵکی تووشی زیان بوون بەهۆی باران بارینەكەوە، ونزا بکرێت بارانەکە بەرەو دەرەوەى شوێنی نیشتەجێبوون بچێت بۆ سەر گردەکان ونێو دۆڵەکان، وشوێنی تر کە شیاوە بۆئەوەى گژوگیای تێدا بڕوێت وئاژەڵ تێیدا بلەوەڕێت.
• ڕێگەپێدراوە داوا بکرێت کەسێک نزات بۆ بکات لەو کەسانەى گومانى چاکێتی وتەقواداری لێدەکرێت لەوانەى زیندوون وئامادەن، ئەمە تەوەسولی دروستە، بەڵام تەوەسول بە پلەوپایەى کەسێک لە بوونەوەرەکان، زیندوو یان مردوو بێت؛ ئەمە دروست نییە، چونکە هۆکار وئامرازی شیرک وهاوبەشدانانە بۆ خواى گەورە.
• ڕێگەپێدراوی تکاکردن وکزۆڵی دەربڕین لەکاتى پاڕانەوەدا ودووبارە كردنەوەی.
• ڕێگەپێدراوی قسەکردن لەگەڵ وتاربێژ بەهۆی پێویستیەک.
• دەرکەوتنی مەزنی توانا ودەسەڵاتی خواى گەورە لە بارینی باران وگرتنەوەى.
• ئاماژەیە بۆ حیکمەت ودانایی پێغەمبەر -صلى اللە علیە وسلم-؛ نزای کرد باران بارین لەسەر شوێنێکی دیاریکراو نەمێنێت کە زیانی پێدەگات، وبڕوات بۆ شوێنێکی تر کە زیانی بەرناکەوێت.
• ڕێگەپێدراوە لە وتاری هەینیدا نزا بكرێت؛ بۆئەوەى باران ببارێت.
• دەست بەرزکردنەوە لەکاتى نزادا؛ مانای دەربڕینی هەژاری وداواکردنی بەخشینە لەڕێگەیانەوە، وزانایان یەکدەنگن لەسەر ئەوەى سونەتە دەستەکان بەرز بکرێنەوە لەم حاڵەتەدا.
• موعجیزە ونیشانەیەکە لە موعجیزە ونیشانەكانی پێغەمبەر -صلى اللە علیە وسلم-، کە ئاماژەیە بۆ ڕاستی پێغەمبەرایەتی ئەو، دەستبەجێ نزاکەى وەڵام درایەوە وباران باری، پاشان جارێکی تر نزای کرد دەستبەجێ بارانەکە نەما.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. نوێژ
5. نوێژە بارانە
6. فەرموودە

• پێغەمبەر -صلى اللە علیە وسلم- دەرچوو بۆ پاڕانەوە بۆئەوەى خواى گەورە باران ببارێنێت، ڕووی لە قیبلە کرد ونزای کرد، وجلەکەى پێچەوانە کردەوە، وپاشان دوو ڕکات نوێژی کرد، وبە دەنگی ئاشکرا قورئانی خوێند...