May pumasok na isang Arabeng-disyerto sa Masjid ng Propeta (basbasan siya ni Allāh at pangalagaan) nang araw ng Biyernes mula sa pinto ng silangang bahagi ng Masjid paharap sa bahay ni `Umar bin Al-Khaṭṭāb (malugod si Allāh dito) samantalang ang Propeta (basbasan siya ni Allāh at pangalagaan) ay nakatayo habang nagtatalumpati saka humarap ang lalaki sa Propeta (basbasan siya ni Allāh at pangalagaan) at nagsabi: "O Sugo ni Allāh, nasawi ang mga hayupan at nagkaputul-putol ang mga landas dahil sa pagkamatay ng mga hayop na naghahatid ng mga tao o dahil sa panghihina ng mga ito dala ng pagkagutom, kaya manalangin ka kay Allāh na magpainom Siya ng ulan." Kaya nag-angat siya (basbasan siya ni Allāh at pangalagaan) ng mga kamay niya, pagkatapos nagsabi siya: "O Allāh, sumaklolo Ka sa amin. O Allāh, sumaklolo Ka sa amin. O Allāh, sumaklolo Ka sa amin." Nagsabi si Anas bin Mālik (malugod si Allāh sa kanya): "Sumpa man kay Allāh, hindi kami nakakikita sa langit ng kahit isang piraso ng ulap. Wala sa pagitan namin sa Masjid at ng Bundok Sal` – sa kanlurang bahagi ng Masjid kung saan dumarating mula sa dako nito ang kaulapan – na anumang bahay ni tahanang nagtatabing sa kanila sa pagkakita niyon." Nagsabi pa si Anas (malugod si Allāh sa kanya): "Saka may lumitaw mula sa likuran niyon na isang ulap na bilohabang tulad ng kalasag – maliit na malapinggan – saka noong pumagitna ito sa langit ng Madīnah, kumalat ito, pagkatapos nagpaulan ito. Kaya sumpa man kay Allāh, hindi namin nakita ang araw dahil sa ulan hanggang sa kasunod na Biyernes kung kailan pumasok ang lalaking iyon mula sa pintong iyon habang ang Propeta (basbasan siya ni Allāh at pangalagaan) ay nakatayo habang nagtatalumpati saka humarap ito sa kanya habang nakatayo saka nagsabi ito: "O Sugo ni Allāh, nasawi ang mga ari-arian at naputol ang mga landas, kaya manalangin ka kay Allāh na pigilin ang ulan para sa amin." Nagsabi ito: "Kaya nag-angat ang Propeta (basbasan siya ni Allāh at pangalagaan) ng mga kamay niya. Pagkatapos nagsabi siya: "O Allāh, ibaling ang ulan sa mga palibot namin at huwag laban sa amin; O Allāh sa anumang tumaas na lupa gaya ng burol, mga kaloob-looban ng mga lambak, at mga tinutubuan ng punong-kahoy." Nagsabi pa si Anas: "Kaya naputol ang ulap na umuulan at lumabas kami na naglalakad sa ilalim ng araw."

• Ang paggawa ng mga kadahilanan para sa paghahanap ng panustos gaya ng pagdalangin at paglalakbay sa lupain ay hindi sumasalungat sa pananalig kay Allāh (napakataas Siya).
• Ang pagsasakaibig-ibig sa pagdalangin ng panalanging pampropetang ito para sa paghiling ng ulan.
• Ang pagpayag sa pagpapaaliwalas ng panahon – ang paghiling ng pag-aliwalas ng panahon at ang pagpapatigil ng ulan – sa sandali ng pinsala dahil sa ulan. Nagtangi siya ng pamamalagi ng ulan sa mga burol, mga talampas, at mga kaloob-looban ng mga lambak dahil ang mga ito ay higit na angkop sa pagsasaka at pagpapastol.
• Ang pagpayag sa paghiling na pagdalangin mula sa mga ipinagpapalagay sa kanila ang kaayusan at ang pagkamapangilag magkasala mula sa mga buhay na naririyan. Ito ang pagsusumamong pinapayagan. Hinggil naman sa pagsusumamo sa pamamagitan ng katayuan ng isa sa mga nilikha, buhay man o patay, ito ay hindi pinapayagan dahil ito ay kabilang sa mga kaparaanan ng Shirk.
• Ang pagkaisinasabatas ng pangungulit sa panalangin at pag-uulit-ulit nito.
• Ang pagpayag sa pakikipag-usap sa khaṭīb sa araw ng Biyernes dahil sa pangangailangan.
• Ang pagkalitaw ng maningning na kakayahan ni Allāh sa pagpapababa ng ulan at pagpigil nito.
• Ang karunungan ng Propeta (basbasan siya ni Allāh at pangalagaan) dahil sa pagdalangin ng pagpigil sa ulan para roon sa may pinsala hindi sa walang pinsala roon.
• Ang pagkaisinasabatas ng pagsasagawa ng istisqā' (panalangin ng paghiling ng ulan) sa khuṭbah.
• Ang pag-angat ng mga kamay sa pagdalangin ay dahil mayroon itong kahulugan ng pangangailangan at pagmimithi ng pagbibigay sa mga ito. Nagkabuklod nga ang mga maalam sa pag-aangat ng mga ito sa kalagayang ito.
• May isang tanda kabilang sa mga tanda ng Propeta (basbasan siya ni Allāh at pangalagaan), na nagpapatunay sa pagkapropeta niya, sapagkat tinugon nga ang panalangin niya kaagad sa pagtamo ng ulan at sa pagpawi nito.

1. Ang Pangunahin
2. Ang Fiqh at ang mga Batayan Nito
3. Ang Fiqh ng mga Pagsamba
4. Ang Ṣalāh
5. Ang Ṣalāh ng Paghiling ng Ulan
6. Ang ḥadīth

• Lumabas ang Propeta-pagpalain siya ni Allah at pangalagaan-nagdadasal [upang manalangin ng ulan],Humarap siya sa Qiblah,pagkatapos ay nagdasal ng dalawang tindig,at ginawa niyang hayag ang pagbabasa rito