پێغەمبەر -صلى اللە علیە وسلم- پێمان ڕادەگەیەنێت كە هەركەسێك بەجوانی وڕێكی دەستنوێژ بگرێت بە جێبەجێكردنی پایەكانی وسونەت وئەدەبەكانی، پاشان بێت بۆ نوێژی هەینی وبە جوانی گوێ بۆ وتاربێژ بگرێت، وبێدەنگ بێت لە ووتن وكردنی شتی پوچەڵ؛ ئەوا خوای گەورە لە گوناهە بچووكەكانی دە ڕۆژی خۆشدەبێت، لە نوێژی هەینیەوە بۆ نوێژی هەینی دواتر وزیادەی سێ ڕۆژ؛ چونكە پاداشتی چاكە بە دە هێندەیە، پاشان پێغەمبەر -صلى اللە علیە وسلم- هۆشداریدا سەبارەت بە ئامادە نەبوونی دڵ لەكاتی وتار وئامۆژگاریدا، بەهۆی سەرقاڵبوونی ئەندامەكان بە دەستلێدان لە بەرد وهۆكاری تری سەرقاڵكەر، ئەوەی بەم شێوەیە بێت ئەوا تووشی پوچەڵ بووە، ئەوەی تووشی پوچەڵ بێت ئەوا بێبەشكراوە لە پاداشتی نوێژی هەینی.

• هاندان وئامۆژگاری بۆ دەستنوێژگرتن بە شێوازێکی جوان وکامڵ، وهەروەها بەردەوام بوون لەسەر ئەنجامدانى نوێژی جومعە.
• فەزڵ وپلە وپایەى نوێژی جومعە.
• واجبە مسوڵمان بە جوانى گوێ بۆ وتاری جومعە بگرێت، وخۆی سەرقاڵ نەکات بە قسەکردن ویان هەرشتێکی تر.
• ئەوەی خۆی سەرقاڵ بكات لەكاتی وتاردا ؛ نوێژی هەینیەكەی دروستە وفەرزێتی ئەم نوێژەی لەسەر لادەچێت، بەڵام پاداشت لەدەست خۆی دەدات.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. نوێژ
5. نوێژی هەینی (نوێژی جومعە)
6. فەزڵی نوێژی هەینی
7. فەرموودە