Пайгамбарыбыз (ага Аллахтын тынчтыгы жана мактоосу болсун) айтат: кимде-ким парз, сүннөт, мустахабдарын калтырбай толук аткарып даарат алса, анан жума намазын окуу үчүн мечитке барып, кутпа айткан кишини унчукпай угуп отурса, керексиз сөз сүйлөбөсө, Аллах Таала анын он күндүк майда күнөөлөрүн кечирет. Өткөн жумадан бул жумага чейинки жети күн андан сырткары дагы үч күндүк күнөөлөрү кечирилет. Анткени жакшылыктын сообу он эсеге көбөйтүлүп берилет. Андан кийин пайгамбарыбыз (ага Алланын тынчтыгы жана мактоосу болсун) кутпадан алагды кыла турган иштерди кылуудан тыйып эскертти. Кимде-ким денесине тийген майда таштарды тазалаган сыяктуу адамды алагды кыла турган иштерди кылса, ал жуманын толук сооп-сыйын алуудан куру калат.

• Дааратты кемчиликсиз, толук алуу жана жума намазын такыр калтырбай окуу зарыл.
• Жума намазы артыкчылыктуу намаз.
• Жумадагы кутпаны унчукпай отуруп угуу важыб. Кутпанын учурунда сүйлөөгө же башка иш менен алек болууга болбойт.
• Кутпанын учурунда керексиз иш кылган адамдын намазы – намаз катары кабыл болот, бирок сооп-сыйлыктары кемчиликтүү болуп калат.

1. home
2. Фыкх жана анын усулдары
3. Ибадаттардын илими
4. Намаз.
5. Жума намазы
6. Жума намазынын артыкчылыгы
7. hadith