ئەبو هوڕەیڕە -ڕەزای خوای لێبێت- خۆشەویست وهاوەڵی پێغەمبەر -صلى اللە علیە وسلم- هەواڵدەدات كە سەروەرمان -صلى اللە علیە وسلم- ئامۆژگاری كردووە وپەیمانی لێوەرگرتووە بە ئەنجامدانی سێ شت: یەكەم: ڕۆژووگرتنی سێ ڕۆژ لە هەموو مانگێك. دووەم: ئەنجامدانی دوو ڕكاتی چێشتەنگاو لە هەموو ڕۆژێكدا. سێیەم: ئەنجامدانی نوێژی ویتر لە پێش خەون؛ ئەمیش بۆ كەسێك كە بترسێت لەوەی هەڵنەستێت لە كۆتایی شەودا.

• جیاوازی ئامۆژگارییەكانی پێغەمبەر -صلى اللە علیە وسلم- بۆ هاوەڵانی: بنیات نراوە لەسەر زانستی پێغەمبەر -صلى اللە علیە وسلم- سەبارەت بە حاڵی هاوەڵان، وئەوەی گونجاوە بۆ هەریەكێكیان، كەسی بەهێز جیهاد بۆی گونجاوە، وخوا پەرست پەرستن بۆی گونجاوە، وزانا زانست بۆی گونجاوە، وبەو شێوەیە.
• ئیبن حەجەری عەسقەلانی دەڵێت: كاتێك دەفەرموێت: (ڕۆژووگرتنی سێ ڕۆژ لە هەموو مانگ)؛ وا دەردەكەوێت كە مەبەست لێیان ڕۆژە سپییەكان بێت، ئەمانیش بریتین لە: سیانزە وچواردە وپانزەی مانگی كۆچی.
• ئیبن حەجەری عەسقەلانی دەڵێت: سونەتە نوێژی ویتر بكرێت پێش خەوتن، ئەمیش دەرهەق بە ئەوانەی متمانەیان نییە لەوەی هەستن بۆ شەونوێژكردن.
• گرنگی ئەم سێ کردەوەیە؛ چونکە پێغەمبەر -صلى اللە علیە وسلم- وەسیەت وئامۆژگاری هەندێک لە هاوەڵانی کردووە سەبارەتیان.
• ئیبن دەقیقی عید دەڵێت: كاتێك دەفەرموێت: (ودوو ڕكاتی چێشتەنگاو)؛ لێرەدا كەمترین ژمارەی ڕكاتی باسكرد چونكە بە ئەنجامدانی كردەوەكە جێبەجێ دەبێت، وئەمیش بەڵگەیە لەسەر ئەوەی نوێژی چێشتەنگاو سونەتە، وكەمترین ژمارەی ڕكاتەكانی؛ دوو ڕكاتە.
• كاتی نوێژی چێشتەنگاو: لە پاش دەرچوونی خۆر بە ماوەی چارەكە كاتژمێرێك، وماوەكەی درێژ دەبێتەوە هەتاوەكو دە خولەك پێش نوێژی نیوەڕۆ، وژمارەی ڕكاتەكانی: كەمترینیان دوو ڕكاتە، وناكۆكی هەیە سەبارەت بە زۆرترین ژمارەی ڕكاتەكانی؛ ووتراوە: هەشت ڕكات، هەروەها ووتراوە: سنوور نییە بۆ زۆرترینی.
• كاتی نوێژی ویتر: لەپاش نوێژی عیشا هەتاوەكو دەرچوونی بەرە بەیان، وكەمترینی یەك ڕكاتە، وزۆرترینی یانزە ڕكاتە.

1. سه‌ره‌كی
2. فیقهی شەرعی وبنچینەکانی (الفقه وأصوله)
3. فیقهی پەرستنەکان
4. ڕۆژووگرتن
5. ڕۆژووگرتنی سونەت (خۆبەش)
6. فەرموودە

• پێغەمبەری خودا -صلى اللە علیە وسلم- لە هەندێک مانگدا ئەوەندە بەڕۆژوو نەدەبوو هەتاوەکو پێمان وابوو ئەو مانگە هیچ ڕۆژێکی بەڕۆژوو نابێت، ولە هەندێک مانگدا ئەوەندە بەڕۆژوو دەبوو هەتاوەکو پێمان وابوو هیچ ڕۆژێکی ڕۆژوو ناشکێنێت...
• ئەگەر لە مانگێکدا سێ (ڕۆژ) بەڕۆژوو بوویت؛ ئەوا (ڕۆژانی) سیانزە وچواردە وپانزە بەڕۆژوو بە
• هیچ ڕۆژووگرتنێک باشتر نییە لە ڕۆژووگرتنی داودی برام -نیوەى ساڵ-، ڕۆژێک بەڕۆژوو بە وڕۆژەکەى تر بیشکێنە
• با هیچ یەکێکتان ڕۆژی جومعە بە ڕۆژوو نەبێت، مەگەر لەگەڵی؛ ڕۆژێک لە پێشی یان ڕۆژێک لە پاشی بە ڕۆژوو بێت