ابوهریرة رضي الله عنه خبر ورکوي چې دوست یې رسول الله صلی الله علیه وسلم ورته د دریو خویونو په درلودلو وصیت کړی دی: لومړی: له هرې میاشتې څخه درې ورځې روژه نیول. دویم: هره ورځ د څاښت دوه رکعته لمونځ کول. دریم: له وېده کېدو وړاندې وتر کول، د هغه چا لپاره چې وېره لري د شپي په وروستۍ برخه کې نه شي راویښېدلی.

• صحابه کرامو ته د رسول الله صلی الله علیه وسلم بېلابیل ډول سپارښتنې د خپلو ملګرو د حالاتو په اړه د هغه د پوهې پر بنسټ وې، او دا چې کوم کار د هر یو لپاره مناسب و لکه د پیاوړې انسان لپاره جهاد، د عابد لپاره عبادت او د عالم لپاره علم او داسې نور.
• ابن حجر العسقلاني د دې وینا په اړه ویلي: صوم ثلاثة أيام من كل شهر یعنې په هره میاشت کې درې ورځې روژه نیول، چې مراد ترې ایام البیض دي؛ هغه ورځې چې شپه یې رڼا وي او هغه د هجري میاشتو: دیارلسمې، څوارلسمې او پنځلسمې ورځې دي.
• ابن حجر العسقلانی ویلي: له دې څخه دا حکم اخیستل کیږي چې له خوبه مخکي وتر کول مستحب دي د هغه چا لپاره چې له راويښېدو څخه ډاډه نه وي.
• د دې دریو عملونو ارزښت؛ ځکه چې رسول الله صلی الله علیه وسلم پرې خپلو ګڼو ملګرو ته وصیت کړی دی.
• ابن دقیق العید د دې وینا په اړه فرمایلي: (وركعتي الضحى) یعنې او د څاښت دوه رکعتونه، چې کېدی شي لږ عدد یې د دې لپاره ذکر کړی وي چې لږ تر لږه دوه باید وشي، او پدې کې په دې خبره دلیل دی چې د څاښت لمونځ مستحب دی او لږ یې دوه رکعته دی.
• د څاښت د لمانځه وخت: د لمر له راختو څخه نږدې یو پاو وروسته، او وخت یې د ماسپښین د لمانځه څخه تر لس دقیقو مخکې وخت پورې غځیږي، او د رکعتونو شمېر یې: لږتر لږه دوه رکعته دی او په ډېرو کې اختلاف دی، ویل شوي چې اته رکعتونه دي او داسې هم ویل شوي چې ډېر یې حد نه لري.
• د وتر وخت: د ماخوستن له لمانځه څخه د سهار تر ختلو پورې، او لږ یې یو رکعت او ډېر یې یوولس رکعته دي.

1. کور‌پاڼه
2. فقه او اصول یې
3. د عبادتونو فقه
4. روژه
5. نفلي روژه
6. حدیث

• څوک چې د الله جل جلاله په لار کې (په جهاد کې) یوه ورځ روژه ونیسي، الله تعالی به یې اویا کاله مخ له اور څخه لرې وساتي
• هغه چا روژه نده نیولې (روژه یې صحیح نده) چې ټول عمر پرلپسې روژې نیسي، یقینا چې (په میاشت کې) درې ورځې روژه نیول داسې دي لکه ټوله میاشت روژه نیول...