အဗူဟုရိုင်ရဟ်(ရဿွိယလ္လာဟုအန်ဟု)က ၎င်း၏ အချစ်တော်နှင့် အဆွေခင်ပွန်းဖြစ်သူ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် ၎င်းအား အချက်သုံးချက်ကို မှာတမ်းတော်မူခဲ့သည်ဟု အသိပေး တင်ပြခဲ့သည်။ ၎င်းတို့မှာ - ၁။ လစဉ် သုံးရက် စွိယာမ်ဥပုသ်‌စောင့်ထိန်းရန်။ ၂။ ဆွလာသွဒ်ဒုဟာ ( ကျားရှ်နမားဇ်) နှစ်ရကအသ်ကို နေ့စဉ် ဝတ်ပြုရန်။ ၃။ မအိပ်ခင်အရင် ဝိတ်ရ်ဆွလာသ် ဝတ်ပြုရန်။ ဤသည် ည၏ နောက်ဆုံးအချိန်၌ မနိုးမည်ကို စိုးရိမ်သူအဖို့ဖြစ်သည်။

• တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)၏ ဆွဟာဗဟ်သာဝကများအား မိန့်မှာသည့် မှာတမ်းချက်များသည် ၎င်းတို့၏ အခြေအနေကွဲပြားခြားနားမှုအား သိနားလည်ခြင်းပေါ် အခြေခံသည်။ ဥပမာ - အင်အားရှိသူအား ဂျိဟာဒ်၊ အိဗာဒသ်တရားအားထုတ်သူအား ဝတ်ပြုမှုနှင့် ပညာရှင်အား ပညာစသည်ဖြင့် အသီးသီး ညွှန်ကြားခဲ့သည်။
• အိဗ်နုဟဂျရ် အစ်ကလာနီက ဆိုသည်မှာ - တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ၏ မိန့်ကြားချက်တွင်ပါဝင်သည့် လစဉ် သုံးရက် စွိယာမ်ဥပုသ်စောင့်ထိန်းခြင်း ဟူသည် အိုင်ယာမိဗီးဿ်ွခေါ် ဟိဂျရီလ၏ (၁၃၊၁၄၊၁၅) ရက်များကို ဆိုလိုသည်။
• အိဗ်နုဟဂျရ်ကပင် ဆိုသည်- ထို့ပြင် ဤဟဒီးစ်တော်တွင် ညအချိန် နိုးထရန် မရေရာသူများအတွက် မအိပ်ခင်အရင် ဝိတ်ရ်ဆွလာသ် ဝတ်ပြုခြင်းသည် မွတ်စ်သဟဗ်ဖြစ်သည်။
• ဤအချက် သုံးချက်၏ အရေးပါမှုမှာ - တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် မိမိ၏ ဆွဟာဗဟ်သာဝကများအနက်မှ အချို့အား ယင်းအချက် သုံးချက်ကို (မပျက်မကွက်) ပြုလုပ်ရန် မှာတမ်းခဲ့ခြင်းကြောင့်ပင် ဖြစ်ပေသည်။
• အိဗ်နု ဒကီးကိလ်အီးဒ်က ဆွလာသွသ်ဒုဟာ နှစ်ရကအသ်ဆိုသည့် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)၏ မိန့်ကြားချက်နှင့်ပတ်သတ်၍ ဤသို့ဆိုသည်- ကိုယ်တော်သည် ဝတ်ပြုရန် အလေးအနက် တိုက်တွန်းထားသည့် အနည်းဆုံး ပမာဏအား တင်ပြတော်မူခဲ့ခြင်း ဖြစ်နိုင်သည်။ ထို့ပြင် ဤအချက်တွင် ဆွလာသွသ်ဒုဟာ ( ကျားရှ်နမားဇ် ) ဝတ်ပြုခြင်းသည် မွတ်စ်သဟဗ်ဖြစ်ကြောင်းနှင့် ၎င်း၏ အနည်းဆုံးပမာဏမှာ နှစ်ရကအသ်ဖြစ်ကြောင်း ညွှန်ပြထားသည်။
• ဆွလာသွသ်ဒုဟာ ( ကျားရှ်နမားဇ် )၏ အချိန်သည်‌ နေထွက်ပြီး (၁၅)မိနစ်ခန့်မှ နေ့လည် ဇုဟုရ်အချိန်မတိုင်မီ (၁၀)မိနစ်အထိဖြစ်ပြီး၊ ၎င်း၏ အရေအ တွက်- အနည်းဆုံး (၂)ရကအသ်ဖြစ်ပြီး၊ အများဆုံးမှာ (၈)ရကအသ် (သို့) အကန့်အသတ်မရှိ ဟူ၍ အမျိုးမျိုး ဖော်ပြကြသည်။
• ဝိသိရ်ဆွလာသ်၏ အချိန်သည် အီရှာဆွလာသ်ပြီးနောက်မှ ဖဂျရ်မရောက်ခင် အချိန်အထိဖြစ်သည်။ ၎င်း၏ အရေအတွက်မှာ- အနည်းဆုံး (၁)ရကအသ်ဖြစ်ပြီး၊ အများဆုံး (၁၁)ရကအသ် ဖြစ်သည်။