پێغەمبەر -صلى اللە علیە وسلم- هانمان دەدات بۆ بەردەوامبوون لەسەر خوێندنەوەی قورئان؛ چونکە ڕۆژی قیامەت شەفاعەت دەکات بۆ ئەوانەی دەیخوێننەوە وكردەوەی پێدەكەن، پاشان جەختی كردەوە لەسەر خوێندنەوەی سورەتەكانی -البقرة وآل عمران-، وبە ڕۆشناكەرەوەكان وڕووناككەرەوەكان ناویانی برد؛ چونكە ڕۆشنیایی وهیدایەتیان تێدایە، وخوێندنەوەیان ولێكدانەوەی ماناكانیان وكردەوە پێكردن بەوەی تێیاندایە؛ یەكێك لە پاداشتەكانیان ئەوەیە ڕۆژی قیامەت وەكو دوو هەور یان دوو شتی تر دێن، یان وەكو دوو کۆمەڵ باڵندەى ڕیزبەستوو وان كە باڵەكانیان ڕاخستووە، سێبەر بۆ هاوەڵانی ئەم دوو سورەتە دروست دەكەن وبەرگریان لێدەکەن. پاشان پێغەمبەر -صلى اللە علیە وسلم- جەختی كردەوە لەسەر بەردەوامبوون لە خوێندنەوەی سورەتی -البقرة- ولێكدانەوەی ماناكانی وكردەوە پێكردنی، وئەمە بەرەكەت وپیرۆزی وسوودی مەزنی تێدایە لە دونیا وقیامەتدا، و وازھێنان لە خوێندنەوەی سورەتی -البقرة- حەسرەت وپەشیمانیە لە ڕۆژی قیامەتدا، ولە فەزڵ وتایبەتمەندیەكانی ئەم سورەتە ئەوەیە: ساحیرەکان ناتوانن زیان بە ئەو كەسە بگەیەنن كە دەیخوێنێتەوە.

• فەرمانکردن بە خوێندنی -تیلاوەی- قورئان، وشەفاعەت دەکات بۆ هاوەڵانی لەڕۆژی قیامەتدا، هاوەڵانی واتە: ئەوانەى دەیخوێننەوە، ودەستیان گرتووە بە هیدایەت وڕێبازەکەى، وفەرمانەکانی جێبەجێ دەکەن، وخۆیان لە نەهی لێکراوەکانى بەدوور دەگرن.
• فەزڵی خوێندنی سورەتەکانى -البقرة وآل عمران- ومەزنی پاداشتیان.
• فەزڵی خوێندنی سورەتی -البقرة-، ودەبێتە هۆی پاراستنی خوێنەرەکەى لە سیحر.

1. سه‌ره‌كی
2. قورئانی پیرۆز وزانستەکانی
3. فەزڵەکانی قورئان
4. فەزڵی سورەت وئایەتەکان
5. فەرموودە

1. سه‌ره‌كی
2. فەزڵەکان وئادابەکان
3. فەزڵەکان
4. فەزڵی قورئانی پیرۆز
5. فەرموودە

• بە ئەوەی نەفسی منی بە دەستە هاوتای سێ یەكی قورئانە
• پیاوێک سورەتی -الکهف-ی دەخوێند، وئەسپەکەى بە دوو گوریس بەستبووەوە
• ئایا مەزنترین سورەتی قورئانت فێر بکەم؟
• ئەو کەسەی بەئاشکرا قورئان دەخوێنێت وەکو ئەو کەسە وایە کە بە ئاشکرا خێر دەکات، وئەو کەسەی بەنهێنی قورئان دەخوێنێت وەکو ئەو کەسە وایە کە بەنهێنی خێر دەکات...