নবী চাল্লাল্লাহু আলাইহি অছাল্লামে হাদীছটোত নিয়মীয়াকৈ কোৰআন পঢ়িবলৈ উৎসাহিত কৰিছে। কিয়নো কিয়ামতৰ দিনা এই ছুৰা দুটাই ইয়াৰ পঢ়ুৱৈ আৰু অনুসৰণকাৰীসকলৰ বাবে ছুপাৰিছ কৰিব। ইয়াৰ পিছত তেখেতে বিশেষভাৱে ছুৰা আল-বাক্বাৰাহ আৰু আলে-ইমৰান পঢ়াৰ ওপৰত গুৰুত্ব প্ৰদান কৰিছে, লগতে তেখেতে এই ছুৰা দুটাক "ঝাহৰাৱাইন" (দুটা উজ্জ্বল ছুৰা) বুলি নামকৰণ কৰিছে। ইয়াৰ পোহৰ আৰু হিদায়তৰ বাবে। এই ছুৰা দুটা পঢ়াৰ, ইয়াৰ অৰ্থৰ প্ৰতি চিন্তা চৰ্চা কৰাৰ আৰু সেইমতে আমল কৰাৰ ছোৱাব তথা প্ৰতিদান কিয়ামতৰ দিনা দুডোখৰ ডাৱৰৰ দৰে আগমন কৰিব, অথবা দুটা চৰাইৰ জাকৰ দৰে (যিয়ে নিজৰ পাখি মেলি উৰি থাকে আৰু ইটোৱে সিটোৰ লগত সংলগ্ন হৈ থাকে) আহিব, যিবোৰে ইয়াৰ অনুসৰণকাৰীক ছাঁ দিব আৰু তেওঁলোকৰ পক্ষত যুক্তি দৰ্শাব। ইয়াৰ পিছত নবী চাল্লাল্লাহু আলাইহি অছাল্লামে ছুৰা আল-বাক্বাৰাহ নিয়মীয়াকৈ পঢ়িবলৈ, ইয়াৰ অৰ্থৰ প্ৰতি চিন্তা চৰ্চা কৰিবলৈ আৰু ইয়াৰ ভিতৰত থকা বিধি-বিধান মতে আমল কৰিবলৈ বিশেষ গুৰুত্ব প্ৰদান কৰিছে। তেখেতে কৈছে, ইয়াৰ মাজত নিহিত আছে ইহকাল আৰু পৰকালৰ বহুতো বৰকত আৰু উপকাৰ। ইয়াক পৰিত্যাগ কৰিলে কিয়ামতৰ দিনা হতাশ আৰু নিৰাশ হৈ অনুতপ্ত হ'বলগীয়া হ'ব। এই ছুৰাৰ অন্যতম আন এটা বিশেষত্ব হৈছে এই যে, যাদুকৰসকলে ইয়াৰ পঢ়ুৱৈক কোনো ধৰণৰ ক্ষতি কৰিব নোৱাৰিব।

• বেছি বেছি কোৰআন তিলাৱত কৰিবলৈ আদেশ দিয়া হৈছে। কিয়ামতৰ দিনা ই ইয়াৰ তিলাৱতকাৰীৰ বাবে ছুপাৰিছ কৰিব, যিসকলে ইয়াৰ তিলাৱত কৰিছিল, ইয়াৰ হিদায়তক খামোচি ধৰিছিল, আৰু ইয়াৰ আদেশসমূহ পালন কৰিছিল, লগতে ইয়াত নিষেধকৃত বিষয়সমূহৰ পৰা বিৰত থাকিছিল।
• ছুৰা আল-বাক্বাৰাহ আৰু ছুৰা আলে ইমৰাণ পাঠ কৰাৰ ফজীলত বৰ্ণিত হৈছে, আৰু ইয়াৰ বাবে মহা ছোৱাব প্ৰদান কৰা হয়।
• ছুৰা আল বাক্বাৰাহ পাঠ কৰাৰ ফজীলত বৰ্ণিত হৈছে যে, ই ইয়াৰ তিলাৱতকাৰীক যাদুৰ পৰা সুৰক্ষিত ৰাখে।

1. মুখ্য পৃষ্ঠা
2. আল-কোৰআনুল কাৰীম আৰু ইয়াৰ সৈতে সংশ্লিষ্ট জ্ঞানসমূহ
3. কোৰআনৰ ফজিলত
4. ছুৰা আৰু আয়াতসমূহৰ ফজিলত
5. হাদীছ

1. মুখ্য পৃষ্ঠা
2. ফজিলত আৰু শিষ্টাচাৰসমূহ
3. ফাজাইল
4. আল-কোৰআনুল কাৰীমৰ ফাজাইল
5. হাদীছ

• মহান আল্লাহে কৈছেঃ মই মোৰ আৰু মোৰ বান্দাৰ মাজত নামাজক দুই ভাগত ভাগ কৰি দিছোঁ। মোৰ বান্দাক সেইটোৱে প্ৰদান কৰিছোঁ যিটো সি বিচাৰে।...
• উচ্চস্বৰে কোৰআন তিলাৱতকাৰী হৈছে প্ৰকাশ্যভাৱে দান কৰা ব্যক্তিৰ দৰে, আনহাতে নিম্নস্বৰে কোৰআন তিলাৱতকাৰী হৈছে গোপনে দান কৰা ব্যক্তিৰ দৰে।...
• যি ব্যক্তিয়ে ছুৰা বাক্বাৰাৰ শেষৰ আয়াত দুটা ৰাতিত তিলাৱত কৰিব, সেই ব্যক্তিৰ (নিৰাপত্তাৰ) বাবে এই দুটা আয়াতেই যথেষ্ট হ’ব।...
• সেই সত্তাৰ শপত! যাৰ হাতত মোৰ প্ৰাণ আছে। এই ছুৰাটো হৈছে সমগ্ৰ কোৰআনৰ এক তৃতীয়াংশৰ সমান।