አንድ ሰውዬ ቅርብ ዘመዶች እንዳሉትና ከነርሱም ጋር በመልካም መስተጋብር እንደሚኗኗር እነርሱ ግን ከዚህ ተቃራኒ በሆነ መንገድ እንደሚኗኗሩት ለነቢዩ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና ስሞታ አቀረበ። እርሱ ይቀጥላቸዋልም፤ ይጠይቃቸዋልም፤ እነርሱ ግን ይቆርጡታል። በበጎነትና በታማኝነት ለነርሱ መልካም ቢውልም እነርሱ ግን በግፍና በድርቅና መጥፎ ይሰሩበታል። ይታገሳቸዋልም፤ ይቅር ይላቸዋልም፤ እነርሱ ግን በፀያፍ ንግግርና ተግባር ይቅርታውን ችላ ይላሉ። ከነዚህ ከተጠቀሱት ተግባራቸው ጋር ዝምድና መቀጠሌን ልግፋበትን? ነቢዩም (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና ለርሱ እንዲህ አሉት: እንዳወሳኸው ከሆነ አንተ ራሳቸውን እንዲያዋርዱና እንዲንቁ ነው ያደረግካቸው። በጎ መዋልህ በዝቶላቸው የነርሱ ነፍስ ግን ፀያፍ ተግባር ብቻ መስራቱ ልክ ትኩስ አመድ እንዳበላሀቸው ነው። አንተ ባወሳህልኝ በጎ መዋል ላይ እስከዘወተርክና እነርሱም ላንተ መጥፎ ማድረግ ላይ እስከዘወተሩ ድረስ በነርሱ ላይ የሚያግዝህና የነርሱን ማወክ የሚከላከልልህ ከአላህ ዘንድ የሆነ አጋዥም ከአንተ አይወገድም።

• መጥፎ ስራን በጥሩ መመለስ መጥፎ አድራጊውን ወደ ትክክል ይመልሳል ተብሎ ይታሰባል። አላህ እንዲህ እንዳለው: {በዚያች እርሷ መልካም በሆነችው ጸባይ (መጥፎይቱን) ገፍትር። ያን ጊዜ ያ ባንተና በእርሱ መካከል ጠብ ያለው ሰው ልክ እንደ አዛኝ ዘመድ ይሆናል።}
• ጉዳት እየደረሰበት ራሱ የአላህን ትእዛዝ መስራቱ አማኙ ባሪያ የአላህን እገዛ እንዲያገኝ ምክንያት ይሆነዋል።
• ዝምድና መቁረጥ በዱንያ ቅጣትና ህመም በመጪው አለም ደግሞ ወንጀልና ሒሳብ ይጠብቀዋል።
• አንድ ሙስሊም በመልካም ስራው ምንዳውን ማሰብ ይገባዋል። መልካም ስራውን ከመስራትም የሰዎች ማወክና ማደናቀፍ ከመልካም ልማዱ አያቋርጠውም።
• ዝምድናን ከቀጠሉት ጋር ውለታን የሚመልስ ዝምድና ቀጣይ አይባልም። ነገር ግን ትክክለኛ ዝምድና ቀጣይ የሚባለው ዝምድናው የተቆረጠች ጊዜ የሚቀጥላት ነው።

1. ዋና ገፅ
2. ትርፍ ተግባራትና ስነ-ስርዓት
3. ደረጃ ያላቸው ስራዎች
4. ዝምድናን የመቀጠል ትሩፋቶች
5. ሓዲሥ

• ዝምድናን ቆራጭ ጀነት አይገባም።