ایک شخص نے اللہ کے نبی صلی اللہ علیہ و سلم کے یہاں آکر شکایت کی کہ اس کے کچھ رشتے دار ہيں، جن کے ساتھ وہ اچھا سلوک کرتا ہے اور وہ اس کے ساتھ برا سلوک کرتے ہيں۔ وہ رشتہ جوڑتا ہے اور اس کے رشتے دار کاٹتے ہيں۔ وہ بھلا کرتا ہے اور اس کے رشتے دار برا کرتے ہيں۔ وہ بردباری دکھاتا ہے اور درگزر سے کام لیتا ہے اور اس کے رشتے دار جہالت آمیز برتاؤ کرتے ہيں۔ ایسے میں اس کی جانب سے صلہ رحمی کا سلسلہ جاری رہنا چاہیے یا نہیں؟ اللہ کے نبی صلی اللہ علیہ و سلم نے فرمایا: اگر تیری بات درست ہے، تو تم انھیں خود ان کی نظر میں رسوا اور ذلیل کر رہے ہو گویا کہ تو انھیں گرم راکھ کھلا رہا ہے۔ کیوں کہ تم کثرت سے ان پر احسان کر رہے ہو اور وہ اپنے تئیں بد عملی کر رہے ہیں۔ جب تک تو ان پر احسان کرنے کی اپنی اس روش پر قائم رہے گا اور وہ تیرے ساتھ بدسلوکی کی اپنی روش پر قائم رہيں گے، اللہ کی جانب سے ان کے خلاف ایک معاون اور تجھے ان کی ایذا رسانیوں سے بچانے کے لیے ایک محافظ تیرے ساتھ لگا رہے گا۔

• بدسلوکی کا مقابلہ احسان سے کرنے میں برے شخص کا حق کی طرف پلٹنے کا امکان ہے، جیسا کہ فرمان باری تعالیٰ ہے: ’’ برائی کو بھلائی سے دفع کرو پھر وہی جس کے اور تمہارے درمیان دشمنی ہے ایسا ہو جائے گا جیسے دلی دوست۔‘‘
• اللہ کے حکم کی بجا آوری، خواہ اس راہ میں اذیتوں کا سامنا ہی کیوں نہ کرنا پڑے، ایک مومن کے لیے اللہ کی مدد کے حصول کا سبب ہے۔
• قطع رحمی دنیا کے اندر عذاب و تکلیف اور آخرت میں گناہ اور سخت حساب کا باعث ہے۔
• مسلمان کو چاہیے کہ وہ اپنے اچھے اعمال میں ثواب کى امید رکھے اور کسی کی ایذا رسانی اور قطع رحمی کی وجہ سے اپنی اچھی عادت سے دست کش نہ ہو۔
• اصل صلہ رحمی کرنے والا وہ نہيں ہے، جو صلہ رحمی کے بدلے میں صلہ رحمی کرتا ہے۔ حقیقی صلہ رحمی کرنے والا وہ ہے کہ اس سے رشتہ توڑا جائے اور وہ جوڑے۔

1. صفحہ رئیسی
2. فضائل و آداب
3. فضائل
4. صلہ رحمی کے فضائل
5. حدیث

• رشتے ناتے کو کاٹنے والا جنت میں داخل نہیں ہوگا۔