ከነቢዩ (የአላህ ሰላትና ሰላም በእርሳቸው ላይ ይስፈን) ባልደረቦች የተወሰኑት ለይለቱል ቀድር በረመዷን የመጨረሻዎቹ ሰባት ሌሊቶች ሆና በህልማቸው ተመለከቱ። ነቢዩም (የአላህ ሰላትና ሰላም በእርሳቸው ላይ ይስፈን) "ለይለቱል ቀድርን በህልማችሁ በመጨረሻዎቹ የረመዳን ሰባት ቀናት ሆና ማየታችሁ ህልማችሁ ከእውነታው ጋር ገጥማለች ብዬ አምናለሁ። እርሷን ያሰበና ለመፈለግ የጓጓ ሰው በነዚህ ምሽቶች እርሷን ፍለጋ መልካም ስራዎችን በማብዛት ይታገል። እርሷ በመጨረሻዎቹ ሰባት ሌሊቶች እንደምትሆን ተስፋ ይደረጋልና።" ያ ማለት የረመዷን ቀናቶች ሰላሳ የሆኑ ጊዜ ከሀያ አራተኛው ምሽት ይጀምራል። የረመዷን ቀናቶች ሀያ ዘጠኝ የሆኑ ጊዜ ደግሞ ከሀያ ሶስተኛው ሌሊት ይጀምራሉ።

• የለይለቱል ቀድር ደረጃና እርሷን በመፈለግ ላይ መነሳሳቱን እንረዳለን።
• ከአላህ ጥበብና እዝነት መካከል ሰዎች እርሷን ፍለጋ በአምልኮ ሲታገሉ ምንዳቸው እንዲጨምር ይህቺን ሌሊት መደበቁ ነው።
• ለይለቱል ቀድር በረመዷን የመጨረሻዎቹ አስር ቀናት ውስጥ ነው። በመጨረሻዎቹ ሰባት ሌሊት መሆኑ ደግሞ ይበልጥ ተስፋ ይደረግበታል።
• ለይለቱል ቀድር ከረመዷን የመጨረሻዎቹ አስር ሌሊቶች መካከል አንዷ ሌሊት ናት። ይህቺም ሌሊት አላህ ዐዘ ወጀል ቁርአንን በነቢዩ (የአላህ ሰላትና ሰላም በእርሳቸው ላይ ይስፈን) ላይ ያወረደባት፤ በረከቷን ከአንድ ሺህ ወር የተሻለ ያደረጋት፤ ደረጃዋን ከፍ ያደረጋትና መልካም ስራ መስራት ተመራጭ ያደረገባት ምሽት ናት።
• (ለይለቱል ቀድር) ተብላ የተጠራቸው ወይ ልቅና ከሚለው ቃል ተወስዶ ነው። (እከሌ ቀድሩ ትልቅ ነው።) ማለትም ልቅናው ከፍ ያለ ነው ማለት ነው። ልክ እንደዚሁ ቀድሯ ትልቅ የሆነችው ሌሊት ሲባል "ቀድር" የሚለው ቃል ሌሊት ለሚለው ቃል ገላጭ ይሆናል። ማለትም የላቀችዋ (የተከበረችው) ምሽት ማለት ነው። ማለትም ደረጃዋ፣ ልቅናዋና ስፍራዋ የላቀ ማለት ነው። {እኛ (ቁርአንን) በተባረከው ምሽት አወረድነው።} [አድዱኻን:3] ወይም ደሞ (ተቅዲር) መወሰኛ ከሚለው ቃል ነው የተወሰደችው ቢባልም ያስኬዳል። ማለትም በዚህች ምሽት ውስጥ በአመት ውስጥ የሚከሰተው ነገር ይወሰናል። {በውስጧ የተወሰነው ነገር ሁሉ ይልለያል።} [አድዱኻን:4]

1. ዋና ገፅ
2. ፊቅህና የፊቂህ መርሆዎች
3. የአምልኮ ፊቂህ
4. ፆም
5. የረመዿን የመጨረሻዎቹ አስር ቀናት
6. ሓዲሥ

• ለይለቱል ቀድርን በረመዷን የመጨረሻ አስር ቀናቶች በጎደሎ ቁጥሮቹ ውስጥ ፈልጓት።
• የአላህ መልክተኛ (የአላህ ሰላትና ሰላም በእርሳቸው ላይ ይስፈን) የረመዿን የመጨረሻዎቹ አስሩ ቀናት የገቡ ጊዜ ሌሊቱን ህያው ሆነው ያሳልፋሉ፤ ቤተሰባቸውንም ያነቃሉ፤ ይበረቱና ሽርጣቸውንም ያጠብቁ ነበር።...
• መወሰኛይቱን ሌሊት (ለይለቱል ቀድርን) በአላህ አምኖና ምንዳውን አስቦ የቆመ ሰው ያለፈው ኃጢዓቱ ይማርለታል።
• የአላህ መልክተኛ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና በሌላ ጊዜያት ለአምልኮ ከሚጥሩት የተለየ በመጨረሻዎቹ አስሩ የረመዷን ቀናት ይጥሩ ነበር።...