May nakakitang mga lalaki kabilang sa mga Kasamahan ng Propeta (basbasan siya ni Allāh at pangalagaan) sa panaginip na ang Gabi ng Pagtatakda ay nasa huli ng pitong gabi ng Ramaḍān. Kaya nagsabi ang Propeta (basbasan siya ni Allāh at pangalagaan): "Nakakita ako sa mga panaginip ninyo na nagkasang-ayunan nga sa huling pitong gabi ng Ramaḍān. Kaya ang sinumang naging tagapagpakay nito, na masigasig sa paghahangad nito, magsumikap siya sa paghahanap nito sa pamamagitan ng pagpaparami ng maayos na gawa sapagkat ito ay higit na maaasahan na maging nasa huling pitong gabi. Ito ay nagsisimula sa gabi ng ika-24 kapag ang buwan ng Ramaḍān ay 30 araw at nagsisimula naman sa gabi ng ika-23 kapag ang buwan ng Ramaḍān ay 29 araw."

• Ang kalamangan ng Gabi ng Pagtatakda at ang paghimok sa paghahanap nito.
• Bahagi ng karunungan ni Allāh at awa Niya na nagkubli Siya ng gabing ito upang magseryoso ang mga tao sa pagsamba dala ng paghahangad dito, kaya naman darami ang gantimpala nila.
• Ang Gabi ng Pagtatakda ay nasa huling sampung gabi ng Ramaḍān at nasa huling pitong gabi nito ang pinakamaaasahan.
• Ang Gabi ng Pagtatakda ay isa sa huling sampung gabi ng Ramaḍān. Ito ang gabi na pinagbabaan ni Allah (kamahal-mahalan Siya at kapita-pitagan) ng Qur'ān sa Propeta (basbasan siya ni Allāh at pangalagaan). Ginawa Niya ang gabing ito na higit na mabuti kaysa sa isang libong buwan sa pagpapala rito, kadakilaan ng halaga nito, at epekto ng maayos na gawa rito.
• Tinawag na gayon ang Laylatul Qadr (Gabi ng Pagtatakda) na may d na walang patinig maaaring dahil sa karangalan kaya sinasabi: "Fulānu `aḍ̆īmul qadr (Si Polano ay dakila sa halaga)" kaya naman ang pagkakaugnay ng gabi ay bahagi ng pagkakaugnay ng bagay sa pang-uri nito: ang marangal na gabi. Nangangahulugan ito na ang gabing ito ay dakila sa halaga sa karangalan, sa karingalan, sa katayuan, at sa iba pa (Qur'ān 44:3): {tunay na Kami ay nagpababa nito sa isang gabing biniyayaan. Tunay na Kami ay laging Tagapagbabala.} Maaari ring dahil sa pagtatakda kaya naman ang pagkakaugnay ng gabi dito ay bahagi ng pagkakaugnay ng lalagyan sa nilalaman nito: ang gabing ito na magiging narito ang pagtatakda ng mangyayari sa taon (Qur'ān 44:4): {Sa [gabing] ito pinagpapasyahan ang bawat usaping tumpak,}

1. Ang Pangunahin
2. Ang Fiqh at ang mga Batayan Nito
3. Ang Fiqh ng mga Pagsamba
4. Ang Pag-aayuno
5. Ang Sampung Huling Araw ng Ramaḍān
6. Ang ḥadīth

• {Ang Sugo ni Allāh (basbasan siya ni Allāh at pangalagaan), kapag pumasok ang sampung [huling araw ng Ramaḍān], ay nagpupuyat sa gabi, nanggigising ng mag-anak niya, nagpapakasigasig, at naghihigpit ng tapis.}
• Ang sinumang nagsagawa ng i`tikāf kasama ko ay magsagawa siya ng i`tikāf sa huling sampung araw sapagkat ipinaalam nga sa akin ang gabing ito, pagkatapos ay ipinalimot sa akin ito. Nakita ko nga na ako ay nagpapatirapa sa tubig at putik nan...
• Hanapin ninyo ang Gabi ng Pagtatakda sa gansal [na petsa] mula sa huling sampung gabi ng Ramaḍān."}
• {Ang Sugo ni Allāh noon (basbasan siya ni Allāh at pangalagaan) ay nagsisipag sa huling sampung araw [ng Ramaḍān] ng hindi niya ipinagsisipag sa iba pa rito.}