Расулуллоҳ соллаллоҳу алайҳи ва саллам ушбу ҳадиси шарифда жаннат ва дўзах инсонга кийиб олган поябзалидан кўра яқинроқ эканини хабар бердилар. Чунки инсон Аллоҳ рози бўладиган бир яхши ишни қилиб жаннатга кириши ёки бир маъсият иш сабабли дўзахга кириши мумкин.

• Оз бўлса ҳам яхшиликка тарғиб қилингани, оз бўлса-да ёмонликдан қўрқитилгани.
• Мусулмон ҳаёти давомида умид ва қўрқўв ўртасида бўлмоғи, ўз ҳолидан мамнун бўлиб, алданиб қолмасдан ҳар доим Аллоҳдан ҳақ узра собитқадам қилмоғини сўраши лозимлиги.