Profeti ﷺ në këtë hadith ka njoftuar se besimtarët më të dashur tek ai në këtë botë dhe më të afërmit me të në kuvend në Ditën e Gjykimit janë më të moralshmit. Po ashtu, ai ka sqaruar se më të urryerit tek ai në këtë botë dhe më të largëtit nga ai në kuvend në Ditën e Gjykimit janë ata me moralin më të keq, llomotitësit. Ata që flasin shumë dhe pa nevojë, duke devijuar nga e vërteta. Llafazanët, -ata që zgjerohen në të folur për t’u dukur elokuentë dhe për ta madhëruar fjalën e tyre, pa kujdes dhe pa përmbajtje dhe mutefejhikunët. Ata thanë: "E dimë cilët janë llomotitësit e llafazanët, po mutefejhikunët cilët janë?" Ai u përgjigj: “Janë mendjemëdhenjtë, të cilët i përqeshin të tjerët, e zgjerojnë të folurin dhe ‘hapin gojën’ me të.”

• Morali i mirë është ndër shkaqet për të fituar dashurinë e të Dërguarit të Allahut ﷺ dhe për të qenë afër tij Ditën e Gjykimit, ndërsa morali i keq ka efektin e kundërt.
• Morali i mirë është ndër mjetet që njerëzit ta duan njëri-tjetrin, ndërsa morali i keq ka ndikimin e kundërt.
• Inkurajimi për të përvetësuar moral të mirë dhe për të qenë modestë, si dhe tërheqja e vërejtjes se duhet shmangur nga ashpërsia dhe shtirja.
• Paralajmërim nga të folurit me teprim, mendjemadhësi, mburrje dhe shtirje.

1. Ballina
2. Vlera dhe rregullat
3. Fikhu i etikës
4. Virtytet e larta
5. Hadithi

• Atë që nuk i mëshiron njerëzit, Allahu nuk e mëshiron
• “Allahu e mëshiroftë atë burrë që tregon tolerancë e mirësjellje kur shet e blen, si dhe kur e merr borxhin e dhënë!”
• “Besimtari nuk është fyes e as mallkues i madh, as i pandershëm e as fjalëndyrë.”
• Me të vërtetë, Allahu ka urdhëruar mirësinë në çdo çështje