তোমালোকৰ মাজৰ যাৰ আখলাক চৰিত্ৰ সৰ্বোত্তম, তেওঁ পৃথিৱীত মোৰ প্ৰিয় ব্যক্তি আৰু কিয়ামতৰ দিনা তেওঁ মোৰ কাষত থাকিব। পক্ষান্তৰে যাৰ চৰিত্ৰ বেয়া, পৃথিৱীত মই তাক ভাল নাপাওঁ আৰু কিয়ামতৰ দিনাও সি মোৰ পৰা আঁতৰত অৱস্থান কৰিব। (الثرثارون) হৈছে সেইসকল লোক, যিসকলে সত্যক পৰিহাৰ কৰি অপ্ৰয়োজনীয় বহুত কথা কয়। (والمتشدقون) কোৱা হয় সেইসকল লোকক, যিসকলে নিজৰ প্ৰভাৱ বিস্তাৰ কৰিবলৈ কোনো সতৰ্কতা অৱলম্বন নকৰাকৈ ডাঙৰ ডাঙৰ কথা কয়। (والمتفيهقون) চাহাবাসকলে ক'লেঃ হে আল্লাহৰ ৰাছুল! ছাৰছাৰূন আৰু মুতাশ্বাদ্দিকূন সম্পৰ্কে আমি জানো, কিন্তু মুতাফাইহিকূন কাক বোলে? তেখেতে উত্তৰত ক'লেঃ মুতাফাইহিকূন হৈছে সেইসকল লোক, যিসকলে অহংকাৰ কৰে, আনক উপহাস কৰে, আৰু ডাঙৰ ডাঙৰ কথা কৈ ফিতাহি মাৰে।

• সৎ চৰিত্ৰ হৈছে নবী চাল্লাল্লাহু আলাইহি অছাল্লামৰ মুহাব্বত অৰ্জনৰ আৰু কিয়ামতৰ দিনা তেখেতৰ নিকটৱৰ্তী থকাৰ অন্যতম উপায়। আনহাতে অসৎ চৰিত্ৰ হৈছে ইয়াৰ পৰিপন্থী।
• সৎ চৰিত্ৰ হৈছে ইজনে সিজনক মুহাব্বত কৰাৰো অন্যতম উপায়, আনহাতে অসৎ চৰিত্ৰ হৈছে ইয়াৰ পৰিপন্থী।
• সৎ চৰিত্ৰৰ প্ৰতি তথা পৰোপকাৰৰ প্ৰতি উৎসাহিত কৰা হৈছে, লগতে কঠোৰতা আৰু কৃত্ৰিমতাৰ পৰা বিৰত ৰখা হৈছে।
• অপ্ৰয়োজনীয় অধিক কথা কোৱাৰ পৰা, অহংকাৰ কৰাৰ পৰা, ডাঙৰ ডাঙৰ কথা কৈ ফিতাহি মৰাৰ পৰা আৰু কৃত্ৰিমতা অৱলম্বনৰ পৰা সতৰ্ক কৰা হৈছে।

1. মুখ্য পৃষ্ঠা
2. ফজিলত আৰু শিষ্টাচাৰসমূহ
3. আখলাক সম্পৰ্কীয় ফিক্হ
4. প্ৰশংসনীয় আচাৰ-ব্যৱহাৰ
5. হাদীছ

• “প্রকৃত বীৰ সেইজন নহয়, যিয়ে কাৰোবাক কুস্তিত পৰাজিত কৰে; বৰং প্ৰকৃত বীৰ হৈছে সেইজন, যিয়ে ক্রোধৰ সময়ত নিজকে নিয়ন্ত্রণ কৰিবলৈ সক্ষম “...
• মহান আল্লাহে প্ৰতিটো বস্তুৰ প্ৰতি সদয় আচৰণ (ইহছান) ফৰজ কৰিছে।
• ঈমানৰ ফালেৰে পৰিপূৰ্ণ মুমিন হৈছে সেই ব্যক্তি, যিজন সিহঁতৰ মাজত উত্তম চৰিত্ৰৰ অধিকাৰী। তোমালোকৰ মাজত সৰ্বোত্তম হৈছে সেই ব্যক্তি, যিজন নিজৰ স্ত্ৰীৰ ওচৰত উত্তম।...
• তোমালোকে পৰস্পৰে হিংসা নকৰিবা, ইজনে সিজনৰ বাবে দালালি কৰি দাম বৃদ্ধি নকৰিবা, পৰস্পৰে বিদ্বেষ পোষণ নকৰিবা, এজনে আনজনৰ পৰা সম্পৰ্কচ্ছেদ নকৰিবা, এজনে ক্ৰয় কৰাৰ ওপৰত আন জনে ক্ৰয় নকৰিবা। হে আল্লাহৰ বান্দাসকল! পৰস্পৰে ভাতৃ হৈ যোৱা।...