Cabdullaahi Camar Binu Caas Allaha ka raali ahaade wuxuu Nabiga scw ka wariyey inuu yiri: (Dambiyad waawayni waa: Ilaahay loo shariik yeelo, waalid caasiga, naf la dilo iyo dhaaar badanaha).
Sahih/Authentic. - Al-Bukhari

Nabigu scw wuxuu cadeeyey dambiyada waawyn, waana kuwa loo balan qaaday cida samaysa ciqaab adag oo aduunyada iyo aakhiraba ah. Tan koowaad: Ilaahay oo loo shariig yeelo: waana cibaadada noocay doontaba ha ahaate oo loo leexiyo cid aan Ilaahay ahayn, iyo Isaga oo lala simo wax aan Isaga ahayn wax yaabaha uu keligii xaq mudan yahay sida Ilaahnimadiisa, Rabinimadiisa, magacyadiisa iyo tilmaamihiisa wanaagsan. Tan labaad: waa waalid caasiga: waana wax kasta oo labada waalid dhib ku ah, oo ah hadal ama ficil, iyo u samafal kooda oo laga tago. Tan saddexaad waa naf la dilo: taasoo ah xaq daro, sida dilka dulmiga iyo cadaawada ah. Tan afraad, waa dhaar badanaha: waa mida lagu dhaaranayo beenta loo bareerayo, waxaana sidaa loogu magacaabay, waayo dhaar badanaha waxay quusinaysaa dambi ama naar.

  1. Dhaarta qamuusku malaha kafaara gud, khatarta ay leedahay iyo dambi waynideeda darteed, waxayse leedahay towbokeen.
  2. Afartan dambi ee sheegidooda lagu koobay xadiiskaan waa waynida dambigooda, ee maha inay dambiyada waawayn intaa ku eg yihiin.
  3. Dambiyadu waxay u qaeyb samaan waa-weyn iyo yar-yar, dambiyada waa-weyni waa: dambi kasta oo ciqaab adduunka ah leh, sida xag ka oofinta iyo is habaarka oo kale, (is habaarku waa xukun dhex mara ninka iyo xaaskiisa, hadduu faaxisho ku arko, ama ku sheego maragna u waayo iyaduna dafirto.., eeg aayadaha 6-10 suuratu nuur), ama hanjabaada cadaab aakhiro, sida hanjabaada in naar lagelin doono, dambiyada waa-weynina waa jaran-jarooyin, qaarba qaar kasii xaaraan tinimeyn adag yihiin, dambiyada yar-yari waa wixii kuwaa waa-weyn kasoo hadha.

done