အုမရ် (ရဿွိယလ္လာဟုအန်ဟု)က ပြောပြသည်မှာ လူတစ်ဦး ဝုဿူလုပ်ပြီးနောက်သူ၏ခြေထောက်ပေါ်ရှိ လက်သည်းခွံအရွယ်အစားရှိသော နေရာတစ်ခုသည် ရေမဆိုဘဲကျန်ခဲ့သည်ကို တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)တွေ့မြင်သွားခဲ့သည်။ ထိုအခါ ကိုယ်တော်က ဝုဿူရေစိုရန်ကျန်ခဲ့သောနေရာကို ညွှန်ပြ၍အမိန့်ရှိသည်မှာ အသင်ပြန်သွားပြီး ဝုဿူကို ကောင်းမွန်စွာပြုလုပ်ပါ၊ ပြည့်စုံအောင်လုပ်ပါ ဝုဿူပြုရာတွင် စွတ်စိုရမည့် အစိတ်ပိုင်းတိုင်းကို စွတ်စိုအောင်ပြုလုပ်ပါ။ ထို့နောက် ထိုလူသည် ပြန်လှည့်သွားပြီး ဝုဿူကို ကောင်းမွန်ပြည့်စုံအောင်ပြုလုပ်ကာ ဆွလာသ်ဝတ်ပြုခဲ့သည်။

• ကောင်းရာကိုညွှန်ကြားသော ကိစ္စရပ်ကို အလျင်အမြန်‌ဆောင်ရွက်ရန်အရေးကြီးကြောင်းနှင့် မသိသောသူ၊ မေ့လျော့နေသောသူတို့အား လမ်းညွှန်ပြရန်ပါရှိပြီး အထူးသဖြင့် မကောင်းသောကိစ္စရပ်သည် အိဗာဒသ်ကို ပျက်စီးစေမည့် ကိစ္စရပ်မျိုးဖြစ်ပါကချက်ချင်းပင် တားမြစ်ရမည်။
• ဝုဿူပြုလုပ်ရာတွင် ဝုဿူပြုရသည့် အစိတ်အပိုင်းအားလုံး‌ရေစိုရန်လိုအပ်‌ပေသည်။ ဝုဿူပြုရသည့် မည်သည့်အင်္ဂါအစိတ်အပိုင်းကိုမဆို အနည်းငယ်မျှပင် လွတ်သွားပါက ဝုဿူမပိုင်သောကြောင့် ဝုဿူပြုလုပ်ပြီး အချိန်အတော်ကြာမှ ရေမစိုဘဲကို ကျန်ခဲ့သည့်နေရာကို သတိပြုမိပါက ဝုဿူကို ပြန်လည်ပြုလုပ်ရန် လိုအပ်သည်။
• တရားတော်အရ ပြဌာန်းထားသော နည်းလမ်းအတိုင်း တစ်‌ နေရာမှမကျန်ျန်အောင် ပြည့်စုံစွာ စနစ်တကျ ပြုလုပ်ခြင်းသည် ဝုဿူကို ကောင်းမွန်စွာပြုလုပ်ခြင်းဟူသည့် ရှရီအသ် တရားတော်လာအမိန့်ဖြစ်သည်။
• ခြေထောက်နှစ်ဖက်သည် ဝုဿူပြုလုပ်ရသည့်အင်္ဂါအစိတ်အပိုင်းများအနက်မှဖြစ်ပြီး၊ ခြေထောက်နှစ်ဖက်ကို မစဟ်ပွတ်သပ်ခြင်းဖြင့် မလုံလောက်ဘဲ ဆေးကြောရန် လိုအပ်သည်။
• ဝုဿူပြုလုပ်ရာတွင် ဝုဿူပြုရသည့် အင်္ဂါအစိတ်အပိုင်းများကို အစဉ်လိုက် ဆက်တိုက်ပြုလုပ်သင့်သည်။ ဆိုလိုသည်မှာ အစိတ်အပိုင်းတစ်ခုမခြောက်မီအလျင် နောက်အစိတ်အပိုင်းအား ဆေးကြောလိုက်ရမည်။
• မသိခြင်းနှင့် မေ့လျော့ခြင်းတို့သည် တာဝန်ဝတ္တရားတစ်ခုကို ပယ်ဖျက်ပေးခြင်းမရှိပါ။ သို့သော် ထိုတာဝန်ဝတ္တရားကို မ‌ကျေပွန်သည့်အပြစ်မှ လွတ်ငြိမ်းခွင့်တော့ရမည်ဖြစ်သည်။ မသိသည့်အတွက်‌ကြောင့် ဝုဿူကို ကောင်းစွာ မပြုလုပ်ခဲ့သော ထိုလူအား တမန်တော်မြတ် (ဆွလ္လလ္လာဟုအလိုင်းဟိဝစလ္လမ်) က သူ့ပေါ်တည်ရှိနေသော ဝုဿူ၏တာဝန်ဝတ္တရားကို ပယ်ဖျက်ပေးခဲ့ခြင်းမရှိဘဲ ဝုဿူကို ပြန်လည်ပြုလုပ်ရန်သာ မိန့်ကြားတော်မူခဲ့သည်။