တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် သူရသတ္တိကိုပြရန်အတွက် စစ်မက်တိုက်ခိုက်သူ၊ လူမျိုးစွဲကြောင့် စစ်မက်တိုက်ခိုက်သူ၊ လူတို့ထံ၌ မိမိ၏အဆင့်အတန်းကိုပြသရန် သို့မဟုတ် အခြားရည်ရွယ်ချက်တစ်ခုခုအတွက် စစ်မက်တိုက်ခိုက်သူစသည်ဖြင့် တိုက်ခိုက်ရးသမားများ၏ မတူညီသော ရည်ရွယ်ချက်များအကြောင်း လျှောက်ထားမေးမြန်းခြင်းခံရသည်။ ၎င်းတို့အနက် မည်သူသည် အလ္လာဟ်အရှင်မြတ်၏ လမ်းတော်တွင် တိုက်ခိုက်သူ ဖြစ်ပါသနည်း။ တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)က ဖြေကြားတော်မူသည်မှာ အလ္လာဟ်အရှင်မြတ်၏ ‘ကလိမဟ်’ စကားတော် မြင့်မားစေရန်အတွက် စစ်မက်တိုက်ခိုက်သူသာလျှင် အလ္လာဟ်အရှင်မြတ်၏ လမ်းတော်တွင် တိုက်ခိုက်သူဖြစ်သည်။

• အမလ် ကောင်းမှုများမှန်ကန်ခြင်း၊ ပျက်စီးခြင်းတို့သည် ‘နိယာသ်’ ရည်စူးချက်နှင့် အမလ်ကောင်းမှု၌ အလ္လာဟ်အရှင်မြတ်အတွက် အိခ်လာဆ်ွရှိခြင်းတို့အပါ်တွင် မူတည်သည်။
• ဂျဟားဒ်လုပ်ခြင်း၏ ရည်ရွယ်ချက်သည် အလ္လာဟ်အရှင်မြတ်၏ ‘ကလိမဟ်’ စကားတော် မြင့်မားစေရန်အတွက်ဖြစ်ပါက ထိုရည်ရွယ်ချက်၌ သုံ့ပန်းပစ္စည်းရယူခြင်းကဲ့သို့ ရှရီအဟ် တရားတော်က ခွင့်ပြုထားသည့် အခြားရည်ရွယ်ချက် ပါဝင်လာလျှင်လည်း မူလရည်ရွယ်ချက်ကို မထိခိုက်စေပါ။
• အမိမြေနှင့် ဂုဏ်သိက္ခာကို ကာကွယ်ရန်အတွက် ရန်သူများကို တွန်းလှန်တိုက်ခိုက်ခြင်းသည် အလ္လာဟ်အရှင်မြတ်၏ လမ်းတော်တွင် တိုက်ခိုက်ခြင်း၌ ပါဝင်သည်။
• မုဂျာဟိဒ်များနှင့် ပတ်သက်၍ လာရှိထားသော မွန်မြတ်မှုများသည် အလ္လာဟ်အရှင်မြတ်၏ ‘ကလိမဟ်’တော် မြင့်မားစေရန်အတွက် စစ်မက်တိုက်ခိုက်သူနှင့်သာ သက်ဆိုင်သည်။