တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် စစ်ပွဲတစ်ခုတွင် အမျိုးသမီးတစ်ဦး အသတ်ခံရသည်ကို တွေ့ရှိခဲ့ရသည်။ ထိုအခါ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် အမျိုးသမီးများနှင့် အရွယ်မရောက်သေးသည့်ကလေးငယ်များအား သတ်ဖြတ်ခြင်းကို ကန့်ကွက်တားမြစ်ခဲ့သည်။

• (စစ်ပွဲအတွင်း၌ မုစ်လင်မ်များအား ဝင်ရောက်)တိုက်ခိုက်ခြင်းမပြုသည့် အမျိုးသမီးများ၊ ကလေးငယ်များနှင့် ၎င်းတို့နည်းတူ သက်ကြီးရွယ်အိုများနှင့် ဘုန်းတော်ကြီးများကို သတ်ဖြတ်ခွင့်မရှိပါ။ သို့ရာတွင် ထိုသူများထဲမှ မွတ်စ်လင်မ်များကို တိုက်ခိုက်ရန် စီမံညွှန်ကြားသူ သို့မဟုတ် ကူညီသူများဖြစ်နေပါက ၎င်းတို့ကို သတ်ဖြတ်ခွင့်ရှိသည်။
• အမျိုးသမီးများနှင့် ကလေးငယ်များအား သတ်ဖြတ်ခြင်းကိုတားမြစ်ထားရခြင်းမှာ ၎င်းတို့သည် မွတ်စ်လင်မ်များကို တိုက်ခိုက်ခြင်းမရှိသောကြောင့်ဖြစ်သည်။ အလ္လာဟ်အရှင်မြတ်၏ လမ်းတွင် ဂျိဟာဒ်ပြုခြင်း၏ ရည်ရွယ်ချက်မှာ ကာဖိရ်စစ်သည်များ၏ အင်အားကို ချိုးဖျက်ရန်နှင့် တရားလမ်းမှန်ကို လူသားထုတစ်ရပ်လုံး ရောက်ရှိစေရန်သာ ဖြစ်သည်။
• ဤဖြစ်ရပ်သည် စစ်ပွဲများနှင့် စစ်ချီတိုက်ခိုက်မှုများအတွင်း၌ပင် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ၏ ကရုဏာတော်ကို ဖော်ပြနေသည်။