တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် မက္ကာမြို့မှ မဒီနာမြို့သို့ ခရီးထွက်တော်မူခဲ့သည်။ ကိုယ်တော်နှင့်အတူ ဆွဟာဗဟ်များလည်း လိုက်ပါခဲ့ကြသည်။ ခရီးလမ်းတွင် ရေကိုတွေ့ ရှိခဲ့ကြရာ အချို့ဆွဟာဗဟ်များသည် အဆွရ်ဆွလာသ်ဝတ်ပြုရန်အတွင် အလျင်စလို ဝူဿွူပြုလုပ်ခဲ့ကြရာ ၎င်းတို့၏ ခြေဖနောင့်များသည် ရေလုံးဝမထိဘဲ ခြောက်သွေ့နေသည်ကို တွေ့မြင်ခဲ့ရသည်။ ထို့ကြောင့် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) က မိန့်ကြားတော်မူသည်- ဝူဿွူပြုလုပ်သည့်အခါ ခြေဖနောင့်များကို ဆေးကြောရာတွင် လျော့တိလျော့ရဲပြုလုပ်သူများအတွက် ဂျဟန္နမ်ငရဲမီး၌ ပြစ်ဒဏ်နှင့် ပျက်စီးခြင်း ရှိသည်။ ထို့နောက် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)သည် ၎င်းတို့အား ဝူဿွူကို အပြည့်အစုံပြုလုပ်ရန် ညွှန်ကြားတော်မူခဲ့သည်။

• ဝူဿွူပြုလုပ်စဉ် ခြေထောက်နှစ်ဖက်ကို ဆေးကြောရန် ဝါဂျိဗ်ဖြစ်သည်။ အကယ်၍ ခြေထောက်ကို မစဟ်ပြုပွတ်သပ်ရုံဖြင့် ပိုင်သွားပါက (လုံလောက်ပါက) ဖနောင့်ကို မဆေးကြောသူအား ငရဲမီး၏ပြစ်ဒဏ်ဖြင့် ခြိမ်းခြောက်သတိပေးရန်လိုမည် မဟုတ်ပေ။
• ဆေးကြောရမည့် အစိတ်အပိုင်းအားလုံးကို အပြည့်အစုံ ဆေးကြောရန် လိုအပ်ခြင်း။ မည်သူမဆို တမင်ရည်ရွယ်လျက်ဖြစ်စေ၊ ပျင်းရိခြင်းကြောင့်ဖြစ်စေ ဝူဿွူတွင် ဆေးကြောရမည့် အစိတ်အပိုင်းမှ အနည်းငယ်မျှကို ချန်လှပ်ထားပါက ၎င်း၏ဆွလာသ်ဝတ်ပြုမှုသည် ပိုင်မည်မဟုတ်ပေ။
• အသိပညာမရှိသူကို သင်ကြားပြသရန်၊ လမ်းညွှန်မှုပေးအရေးကြီးခြင်း။
• ပညာရှင်သည် (လူတို့တွင်) ဝါဂျိဗ်အချက်များနှင့် စွန္နသ်တော်များ ပျက်ကွက်သည်ကို တွေ့မြင်ပါက သင့်တော်သော နည်းလမ်းဖြင့် ကန့်ကွက်ဆုံးမရန် တာဝန်ရှိခြင်း။
• မုဟမ္မဒ် အစ္စဟာက် အဒ်ဒဟ်လဝီက ဤသို့ ဆိုသည် - အိစ်ဗာဂ် သုံးမျိုးရှိသည် - ၁။ဖရဿ်ွ - ဆေးကြောရမည့်နေရာကို တစ်ကြိမ် အပြည့်အစုံဆေးကြောခြင်း။ ၂။စွန္နဟ်- သုံးကြိမ် ဆေးကြောခြင်း။ ၃.မုစ်သဟဗ် - သုံးကြိမ်ဆေးကြောခြင်းနှင့် ဆေးကြောရမည့်အစိတ်အပိုင်းထက် ပို၍ဆေး ကြောခြင်း။ ( ဥပမာ လက်ကိုတံတောင် ဆစ်ကို ကျော်လွန်၍ ဆေးကြောခြင်း။)

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. ခဝပ်ကိုးကွယ်မှုဆိုင်ရာ ဖိကဟ်။
4. သန့်ရှင်းစင်ကြယ်မှု။
5. ဝုဿွူပြုခြင်း။
6. ဝုဿွူပြုလုပ်ရမည့်ပုံစံ။
7. ဟဒီးဆ်

• ဝူဿွူလုပ်ပြခဲ့သည်။ သူသည် မိမိလက်ပေါ်သို့ အိုးထဲမှ ရေကိုလောင်းချလိုက်ပြီး လက်အား သုံးကြိမ်ဆေးကြောခဲ့သည်။ ထို့နောက် သူ၏လက်အား အိုးထဲသို့ထည့်၍ ရေယူကာ ပလုတ်ကျင်းပြီး နှာခေါင်းထဲသို့ ရေထည့်ကာ ညှစ်ထုတ်သန့်စင်ခြင်းတို့ကို သုံးကြိမ်ပြုလုပ်ခဲ့သည်။ ထ...
• တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် ဝုဿွူပြုလုပ်ရာ၌ (အစိတ်အပိုင်းများကို)နှစ်ကြိမ်စီ ဆေးကြောတော်မူခဲ့၏။...
• အကြင်သူသည် ငါကိုယ်တော်၏ ဤဝုဿူပြုနည်းအတိုင်း ဝုဿူပြုလုပ်ပြီး ဆွလာသ်နှစ်ရကအသ်ဆောက်တည်မည်။ ယင်းနှစ်ရကအသ်ထဲတွင် စိတ်ထဲမှစကားပြောခြင်း(ဟိုဒီတွေးခြင်း)မပြုလျှင် ထိုသူယခင်က ကျူးလွန်ခဲ့သော အပြစ်များ ခွင့်လွှတ်ခြင်းခံရမည် ဖြစ်သည်။...
• တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် ဝုဿွူပြုလုပ်ရာ၌ (အစိတ်အပိုင်းများကို) တစ်ကြိမ်စီ (ဆေးကြောတော်မူသည်)။...