အဘူဗူရ်ဒဟ်(ရဿွိယလ္လာဟုအန်ဟု)က ပြောပြသည်မှာ ၎င်း၏ဖခင် အဘူမူဆာ(ရဿွိယလ္လာဟုအန်ဟု) သည် အလွန်အမင်း နာမကျန်းဖြစ်ခဲ့ကာ၊ သတိမေ့မြောသွားပြီး သူ၏ခေါင်းသည် မိသားစုဝင် အမျိုးသမီးတစ်ဦး၏ ရင်ခွင်၌ ရှိနေခဲ့သည်။ ထိုအမျိုးသမီးသည် (သူ့ရောဂါအခြေအနေကို မြင်သောအခါ) အော်ဟစ်ငိုကြွေးကာ ပူဆွေးမြည်တမ်းလေသည်။ သူသည် သတိမေ့နေသောကြောင့် သူမအားမည်သို့မျှ တားမြစ်နိုင်စွမ်းမရှိခဲ့ပေ။ ၎င်းသည် သတိပြန်ရလာသောအခါ ဤသို့ ပြောဆိုခဲ့သည် - "အလ္လာဟ်အရှင်မြတ်၏ ရစူလ်တမန်‌တော်(ဆွလ္လလ္လာဟုအလိုင်ဟိဝစလ္လမ်)က မိမိနှင့် မသက်ဆိုင်ကြောင်း ထုတ်ဖော်ခဲ့သူနှင့် မိမိနှင့်လည်း မည်သို့မျှမသက်ဆိုင်ပါ။ ဧကန်စင်စစ် အလ္လာဟ်အရှင်မြတ်၏ ရစူလ်တမန်‌တော်(ဆွလ္လလ္လာဟုအလိုင်ဟိဝစလ္လမ်) သည် - ၁။ ဆွာလိကဟ် - ဘေးဒုက္ခကျရောက်ချိန်တွင် အော်ဟစ်ငိုကြွေးတတ်သော အမျိုးသမီး။ ၂။ ဟာလိကဟ် - ဘေးဒုက္ခကျရောက်ချိန်တွင် ဆံပင်ကို ရိတ်ပစ်တတ်သော အမျိုးသမီး။ ၃။ ရှာက္ကာဟ် - ဘေးဒုက္ခကျရောက်ချိန်တွင် အဝတ်ကို ဆုတ်ဖြဲတတ်သော အမျိုးသမီးတို့နှင့် မည်သို့မျှ မသက်ဆိုင်ကြောင်း ထုတ်ဖော်တော်မူခဲ့သည်။ အဘယ်ကြောင့်ဆိုသော် ယင်းအပြုအမူများသည် ဂျာဟိလီယသ်(အမှောင်)ခေတ်၏ ဓလေ့များဖြစ်သောကြောင့် ဖြစ်သည်။ စင်စစ် ဘေးဒုက္ခများ ကျရောက်ချိန်တွင် သည်းခံမျိုသိပ်ပြီး အလ္လာဟ်အရှင်မြတ်ထံတော်၌ အကျိုးခံစားခွင့်ကို မျှော်ကိုးရန် အမိန့်ပေးတော်မူထားသည်။

• ၁။ ဘေးဒုက္ခ ကျရောက်ချိန်တွင် အဝတ်ကို ဆွဲဆုတ်ဖြဲခြင်း၊ ဆံပင်ကို ရိတ်ပစ်ခြင်း၊ အော်ဟစ် ငိုကြွေးခြင်းများ ပြုလုပ်ခြင်းတို့ကို တားမြစ်ထားပြီး ယင်းတို့သည် ကြီးလေးသော အပြစ်ကြီးများတွင် အပါအဝင် ဖြစ်သည်။
• ၂။ ဝမ်းနည်းပူဆွေးခြင်းနှင့် ငိုကြွေးခြင်းသည် မြည်တမ်းခြင်းနှင့် အသံကျယ်လောင်စွာအော်ဟစ်ခြင်း မပါရှိပါက တားမြစ်ထားခြင်း မရှိပေ။ အဘယ်ကြောင့်ဆိုသော် ၎င်းသည် အလ္လာဟ်အရှင်မြတ်၏ စီရင်ချက်အပေါ် သည်းခံမျိုသိပ်ခြင်းနှင့် ဆန့်ကျင်မှု မရှိသည့်အပြင်၊ ၎င်းသည် အမှန်တကယ်တွင် ကရုဏာစိတ် ပေါ်လွင်ခြင်းသာ ဖြစ်သည်။
• ၃။ အလ္လာဟ်အရှင်မြတ်၏ နာကျင်ဖွယ် သက္ကဒီရ်စီရင်သတ်မှတ်ချက်များအပေါ် နှုတ်အားဖြင့်ဖြစ်စေ၊ လုပ်ရပ်အားဖြင့်ဖြစ်စေ မကျေမနပ်ဖြစ်ခြင်းသည် ဟရာမ် (တားမြစ်) သည်။
• ၄။ ဘေးဒုက္ခ ကျရောက်ချိန်တွင် သည်းခံမျိုသိပ်ရန် အရေးကြီးသည်။

1. ပင်မစာမျက်နှာ
2. အကီဒဟ် ယုံကြည်ချက်။
3. သတ်က်ဒီးရ် သတ်မှတ်ချက်နှင့်ဆုံးဖြတ်ချက်အပေါ် အီမာန်သက်ဝင်ယုံကြည်ခြင်း။
4. သတ်က်ဒီးရ်သတ်မှတ်ချက်နှင့် ဆုံးဖြတ်ချက်ဆိုင်ရာ မဆ်အလဟ်များ။
5. ဟဒီးဆ်

1. ပင်မစာမျက်နှာ
2. ဖိကဟ်နှင့် ၎င်း၏စည်းမျဥ်းများ။
3. ခဝပ်ကိုးကွယ်မှုဆိုင်ရာ ဖိကဟ်။
4. ဂျနာဇဟ် ဈာပန။
5. ကွယ်လွန်ခြင်းနှင့် ၎င်း၏အမိန့်ပညတ်ချက်များ။
6. ဟဒီးဆ်

• အသင်တို့သည် ကွယ်လွန်သူများကို ဆဲဆိုမကောင်းပြောခြင်း မပြုကြလေနှင့်။ ဧကန်အမှန်ပင် ၎င်းတို့သည် သူတို့ကြိုတင်ပို့ထားသည့် အရာများဆီသို့ ရောက်သွားကြပြီဖြစ်သည်။...
• အလ္လာဟ်အရှင်မြတ်သည် ကျေးကျွန်တစ်ဦးအားတစ်နေရာ၌ ကွယ်လွန်သေဆုံးရန် သတ်မှတ်ခဲ့ပါက အရှင်မြတ်သည် ၎င်းအား ထိုနေရာ(သို့သွားရောက်ရန်) လိုအပ်ချက် ဖြစ်ပေါ်စေသည်။...
• “အားကောင်းသည့် မုအ်မင်န်သည် အားအင်ချည့်နဲ့သည့် မုအ်မင်န်ထက် အလ္လာဟ်အရှင်မြတ်ထံတော်တွင် ပို၍ကောင်းမြတ်ပြီး ပို၍နှစ်သက်ခြင်းခံရသည်။ မုအ်မင်န်တိုင်းတွင် ကောင်းခြင်းရှိသည်...
• အလ္လာဟ်အရှင်မြတ်သည် တစ်ဦးတစ်ယောက်အား ကောင်းစေလိုလျှင် ထိုသူ့အား စမ်းသပ်ရန် အလို့ငှာ ဘေးဒုက္ခများ သက်ရောက်စေတော်မူသည်။...