Nabiyaamã -Wẽnd pʋʋsg la A tɩlgr be a yĩnga- vẽnegdame n vilgdẽ, tɩ Wẽnde, A Naam yɩlgame n zẽke, A ka get yembsã naandã la b yĩnsã, a yaa neer bɩ a yaa wẽnga, a yaa bedr bɩ a yaa kɩdga, a yaa laafɩ bɩ a yaa bãadã, A ka get rẽ fãa ye. La A ka get b arzεk me ye, a yaa wʋsg bɩ a yaa kɩdga, rẽnd Wẽnde, A Naam yɩ wagell n zẽke, A ka yõkda A yembsã, A ka geend-b yel-kãensã yĩnga la b yõs-taab a pʋgẽ wã ye, la A sẽn gete, yaa b sũyã la bũmb ning sẽn be sũy wã, sẽn yaa Wẽnd zoεεga la sɩd-kũuni la sɩda la pʋ-peelem, maa sẽn yaa maan-tɩ-b-yã la maan-tɩ-b-wʋm raabo, la ad Wẽnd sẽn getã yaa b tʋʋmã, rẽ yĩnga a manegame bɩ a sãamame, rẽnd n ges beenẽ n kõ-b yel-sõma la A rol-b rẽ zugu.

• Hadiisã wilgdame tɩ b sõmb n loe b zugu ne sũurã manegre la sũurã yɩlgr n yi sɩfa b sẽn sãbse.
• Hadiisã wilgdame tɩ sũurã manegr yɩta ne pʋ-peelem la tʋʋmã manegr yɩta ne Nabiyaamã -Wẽnd pʋʋsg la A tɩlgr be a yĩnga- pʋgbo, la yaa bãmba b yiibã me la gesgã zĩigã Wẽnd nengẽ, A Naam yɩ wagell n zẽke.
• Yaa tɩ ninsaal ra belg a meng ne arzεka, ka a neerem me, ka a yĩnga, ka baa fʋɩ sẽn yaa dũni-kãngã yεlã ye.
• A bugsdame tɩ b kɩll n bas yɩngã gesgo tɩ ka tũ ne pʋgẽ wã manegr ye.