ചെറുപാപങ്ങൾ ചെയ്യുന്നതും അത് അധികരിപ്പിക്കുന്നതും നിസ്സാരമായി കാണരുതെന്ന് നബി -ﷺ- താക്കീത് നൽകുന്നു. കാരണം അവ ഒരുമിച്ചു ചേർന്നാൽ മനുഷ്യനെ നശിപ്പിക്കാൻ മതിയാകുന്നത്ര ഭീകരമാകുന്നതാണ്. അതിനുള്ള ഉദാഹരണമായി ഒരു താഴ്വാരത്തിൽ തമ്പടിച്ച ഒരു യാത്രാസംഘത്തെ നബി -ﷺ- ഉദാഹരിക്കുന്നു. അവർ ഓരോരുത്തരും ചെറിയ കമ്പുകളുമായി വന്നെത്തുകയും, തങ്ങളുടെ റൊട്ടി ആ വിറക് കത്തിച്ചു കൊണ്ട് അവർ പാചകം ചെയ്യുകയും ചെയ്തു. ഇതു പോലെ, ചെറുപാപങ്ങൾ ഒരാളെ ബാധിക്കുകയും, അവൻ അതിൽ നിന്ന് പശ്ചാത്തപിച്ചു മടങ്ങാതെയും, അല്ലാഹു അവന് പൊറുത്തു കൊടുക്കാതെയുമിരുന്നാൽ അവൻ്റെ നാശത്തിന് അത് മതിയാകുന്നതാണ്.

• കാര്യങ്ങൾ ഗ്രഹിക്കുന്നതിനും വിശദീകരിക്കുന്നതിനും വേണ്ടി ഉദാഹരണങ്ങൾ വിവരിക്കുക എന്നത് നബി -ﷺ- യുടെ രീതിയിൽ പെട്ടതായിരുന്നു.
• നിസ്സാരമായി ഗണിക്കപ്പെടാറുള്ള ചെറുതിന്മകളിൽ നിന്നുള്ള താക്കീതും, അവക്ക് പ്രായശ്ചിത്തം ചെയ്യുന്നത് വൈകിപ്പിക്കരുതെന്ന ഓർമ്മപ്പെടുത്തലും.
• നിസ്സാരമാക്കപ്പെടുന്ന തിന്മകൾ എന്നത് കൊണ്ട് വ്യത്യസ്ത കാര്യങ്ങൾ ഉദ്ദേശിക്കപ്പെടാം. ഒന്ന്: മനുഷ്യൻ ചെറുപാപമാണെന്ന ധാരണയിൽ ചെയ്യുന്ന തിന്മകൾ; എന്നാൽ അല്ലാഹുവിങ്കൽ അത് വൻപാപങ്ങളായിരിക്കും. രണ്ട്: യാതൊരു ഗൗരവവും കൽപ്പിക്കാതെയും പശ്ചാത്തപിച്ചു മടങ്ങാതെയും ഒരാൾ ചെയ്തു കൂട്ടുന്ന ചെറുപാപങ്ങൾ. ഇവ ധാരാളമായി കുന്നുകൂടിയാൽ അത് അവനെ നശിപ്പിക്കുന്നതാണ്. മൂന്ന്: മനുഷ്യൻ ചെയ്യുന്ന ചെറുപാപങ്ങൾ അവ നിസ്സാരമായി കാണാൻ തുടങ്ങിയാൽ പിന്നീട് നാശകരമായ വൻപാപങ്ങളിലേക്ക് ആപതിക്കുന്നതിലേക്ക് അത് അവനെ എത്തിച്ചേക്കാം.

1. മെയിൻ പേജ്
2. ശ്രേഷ്ഠതകളും സ്വഭാവമര്യാദകളും
3. ഹൃദയത്തെ നിർമ്മലാക്കുന്ന വചനങ്ങളും, മതപരമായ ഉപദേശനിർദേശങ്ങളും
4. തിന്മകൾക്കുള്ള ആക്ഷേപം
5. ഹദീസ്

• നിങ്ങളുടെ മുൻപുള്ള ജനങ്ങളിൽ പെട്ട ഒരു മനുഷ്യൻ; അയാൾക്ക് ഒരു മുറിവുണ്ടായിരുന്നു. അങ്ങനെ കടുത്ത നിരാശ ബാധിച്ച ആ മനുഷ്യൻ ഒരു കത്തിയെടുത്ത് തൻ്റെ കൈ മുറിച്ചു കളഞ്ഞു. രക്തം നിലക്കാതെ അയാൾ അവസാനം മരിക്കുകയും ചെയ്തു. (അയാളുടെ ഈ പ്രവർത്തിയെ കുറിച്ച...
• വൻപാപങ്ങളെന്നാൽ; അല്ലാഹുവിൽ പങ്കുചേർക്കലും, മാതാപിതാക്കളെ ദ്രോഹിക്കലും, കൊലപാതകവും, കള്ളസത്യം ചെയ്യലുമാകുന്നു...
• എൻ്റെ സമുദായം മുഴുവൻ മാപ്പ് നൽകപ്പെടുന്നവരാണ്; (തിന്മകൾ) പരസ്യമാക്കുന്നവരൊഴികെ
• അബൂ ഹുറൈറ -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: "ഏഴു നാശകരങ്ങളായ പാപങ്ങളെ നിങ്ങൾ ഉപേക്ഷിക്കുക...