نبي کریم ﷺ خلکو ته خبرداری ورکړی چې د کوچنیو ګناهونو په کولو کې بې‌ پروايي ونه کړي، ځکه که دا ګناهونه زیات شي، نو په مجموع کې انسان ته د هلاکت سبب ګرځي، هغه ﷺ د دې لپاره یو مثال بیان کړ: لکه هغه قوم چې یوې درې ته ښکته شي، نو هر یو تن یو کوچنی لرګی راوړي، تر دې چې ټول سره لرګي راجمع کړي او خپله ډوډۍ پرې پخه کړي، همداسې دا کوچني ګناهونه هم دي، که انسان پرې ونیول شي، او توبه ترې ونه کړي، یا ورته الله بخښنه ونه کړي، نو دا ګناهونه به یې هلاک کړي.

• رسول الله ﷺ به د ښې پوهې او مطلب واضحه کولو لپاره مثالونه بیانول.
• له کوچنیو ګناهونو څخه خبرداری ورکول، او ژر تر ژره کفارې ته یې هڅوونه.
• سپک یا واړه ګناهونه څو معناوې لري: لومړۍ معنا: هغه ګناهونه چې بنده یې ترسره کوي، په دې ګمان چې دا کوچني دي، خو د الله تعالی په نزد دا لویې ګناهونه دي، دویمه معنا: هغه کوچني ګناهونه چې بنده یې په بې‌پروايي سره کوي، توبه ترې نه باسي او پام ورته نه کوي، نو دا ګناهونه سره جمع کېږي، تر دې چې د انسان د هلاکت سبب وګرځي، درېیمه معنا: هغه کوچني ګناهونه چې بنده یې سپک ګڼي او ترې بې‌پروا وي، نو دا بې‌پروايي سبب شي چې انسان په لویو ګناهونو کې ولوېږي.

1. کور‌پاڼه
2. فضایل او آداب
3. زړه نرموونکي بیانونه او نصیحتونه
4. د ګناهونو بدي
5. حدیث

• کله چې دوه مسلمانان توره په لاس یو له بل سره وجنګیږي نو قاتل او مقتول دواړه په اور کې دي
• اې د الله رسوله! که یو څوک راشي او زما مال اخیستل وغواړي؟
• په هغو کسانو کې چې ستاسې نه مخکې وو، یو سړی و چې زخم یې درلود، نو (له ډېر درد څخه یې) فریاد کاوه، چاقو یې راواخېست او خپل لاس یې پرې کړ، نو تر هغه یې وینه ونه درېده چې مړ شوی نه و، نو الله تعالی وفرمایل:"زما بنده زما لور ته (په راتګ سره) پر...
• څوک چې له غره ځان وغورځوي او ځان ووژني، نو هغه به د دوزخ په اور کې همداسې غورځول کېږی، تل به هلته وي، ابدي عذاب کې به وي