I Omar bin Abi Salamah (R.A) zanaky ny vadin'ny Mpaminany (S.A.W) Om Salamah (R.A) - izay teo ambany fitaizana sy fanarahamasony - no mitantara fa teo am-pisakafoana, dia nanetsika ny tànany teo amin’ny sisin’ny vilia izy mba haka ny sakafo, ka i Mpaminany dia nampianatra azy ireo fitsipika telo momba ny fihinanana : Ny voalohany : fitenenana hoe : “Bismillahi - Amin’ny anaran’Allah” eo am-piandohan’ny sakafo. Faharoa : mihinana amin’ny tànana havanana. Fahatelo : Mihinana amin'ny faritra akaiky anao amin'ny sakafo.

• Anisan’ny fomba fanao amin’ny fihinanana sy ny fisotroana ny fanononana ny anaran'Allah eo am-piandohana.
• Fampianarana ny fomba amam-panao ny ankizy, indrindra fa ireo eo ambany fiahian'ny olombelona.
• Ny fahatsoran'ny Mpaminany (S.A.W) sy ny faharetany amin'ny fampianarana sy ny fananarana ny ankizy.
• Anisan'ny fomba fanao amin'ny fihinanana ny mihinana amin'izay akaikin'ny olona iray, raha tsy misy karazany maro, ka amin'izany dia azony atao ny maka amin'izany.
• Ny mpanaradia dia nifikitra tamin'ny fananaran'ny Mpaminany (S.A.W), ary izany dia avy amin'ny tenin'i Omar hoe : Mbola ity no tsaroko.