پێغەمبەر -صلى اللە علیە وسلم- هۆشداریداوە سەبارەت بە بێ ئاگابوون لە یادی خوای گەورە، وپێمان ڕادەگەیەنێت كە هەر كۆمەڵە خەڵكێك لە دانیشتنێكدا بن ویادی خودای تێدا نەكەن، وسەڵاوات نەدەن لەسەر پێغەمبەركەی -صلى اللە علیە وسلم- ئەوا ئەو دانیشتنە دەبێتە هۆی پەشیمانی وبێبەشبوون وخەسارۆمەندی بۆیان لە ڕۆژی قیامەتدا، بۆیە ئەگەر خوای گەورە بیەوێت سزایان دەدات بەهۆی گوناهەكانی پێشوو وكەمتەرخەمیان لە داهاتوویاندا، وئەگەر پەروەردگار بیەوێت لێیان خۆش دەبێت بە فەزڵ وڕەحمەتی خۆی.

• هاندان بۆ زیکر کردن وئاماژە بە فەزڵ وپلە وپایەی.
• فەزڵی ئەو دانیشتنانەی سەرقاڵی یاد كردنی الله ن -سبحانه وتعالی-، هەروەها باسی پێغەمبەری تێدا دەكرێت -صلى اللە علیە وسلم-، وئەو دانیشتنانەی ئەمەی تێدا نەبێت ئەوا دانیشتنێكی شووم وحەسرەتبارە بۆ خاوەنەكانیان لە ڕۆژی قیامەتدا.
• ئەوەی باسكرا سەبارەت بە هۆشداریدان لە بێ ئاگایی لە یادی الله تەنها پەیوەست نییە بە دانیشتنەكان، بەڵكو شوێنەكانی تریش دەگرێتەوە، نەوەوی دەڵێت: مەكروهە كەسێك لە شوێنێك دابنیشێت پاشان جێی بهێڵێت بەبێ ئەوەی یادی الله ی تێدا بكات -سبحانه وتعالی-.
• ئەو پەشیمانیەی تووشیان دەبێت لە ڕۆژی قیامەتدا: یان ئەوەتا بەهۆی لەدەستدانی پاداشتە چونكە سوودیان لە كات وەرنەگرت بۆ سەرقاڵبوون بە گوێڕایەڵی كردنی خوای گەورە، یان ئەوەتا گوناهبارن وسزا دەدرێن چونكە سەرقاڵبوون بە سەرپێچیكردنی فەرمانی الله وە.
• بەم شێوەیە هۆشداری دراوە ئەگەر ئەم بێ ئاگاییە بەهۆی سەرقاڵبوون بێت بە شتە ڕێگەپێدراوەكان، چ جای ئەو دانیشتنانەی حەرامی تێدا دەكرێت ودەووترێت وەكو غەیبەت ودووزمانی وهتد؟!!

1. سه‌ره‌كی
2. فەزڵەکان وئادابەکان
3. فیقهی نزا وزیکرەکان
4. زیکرە بێ سنوورەکان
5. فەرموودە

• باشترین زیکر ویادکردن بریتیە لە (لا اله الا الله)^، وباشترین نزا بریتیە لە (الحمد لله)^^
• ( الباقیات الصالحات ) بریتیە لە : ( لَا إلَهَ إلَّا اللَّهُ وَسُبْحَانَ اللَّهِ، وَاَللَّهُ أَكْبَرُ وَالْحَمْدُ لِلَّهِ وَلَا حَوْلَ وَلَا قُوَّةَ إلَّا بِاَللَّهِ )...
• دوو وشە هەیە خۆشەویسن لای الله وئاسانن لە سەر زمان وقورسن لە سەر تەرازوی چاکە کاری
• هەرکەسێک بڵێت: (لا إله إلا الله والله أكبر)، پەروەردگاری قسەکانى بەڕاست دادەنێت ودەفەرموێت:(لا إله إلا أنا وأنا أكبر)