Profeti ﷺ në këtë hadith paralajmëroi kundër shkujdesjes ndaj përmendjes së Allahut (dhikrit), duke thënë se asnjë grup njerëzish nuk ulet në ndonjë tubim ku nuk e përmendin Allahun e Lartësuar dhe nuk dërgojnë salavate për Profetin e Tij ﷺ, përveçse ai tubim do të jetë për ta burim pendimi, keqardhjeje, humbjeje dhe mangësie në Ditën e Gjykimit. Nëse Allahu do, i ndëshkon për mëkatet e tyre të shkuara dhe mangësitë e ardhshme, e nëse do, i fal ata nga mirësia dhe mëshira e Tij.

• Inkurajimi për dhikrin (përmendjen e Allahut) dhe theksimi i vlerës së tij.
• Vlera e tubimeve në të cilat përmendet Allahu i Lartësuar dhe përmendet i Dërguari i Tij ﷺ dhe se tubimet në të cilat mungojnë këto, janë ogur i keq për pjesëmarrësit e tyre në Ditën e Gjykimit.
• Paralajmërimi kundër neglizhencës ndaj përmendjes së Allahut nuk kufizohet vetëm në tubime, por përfshin edhe gjëra të tjera. Neveviu ka thënë: “Është e papëlqyeshme që dikush të ulet në ndonjë vend dhe të largohet prej tij pa e përmendur Allahun e Lartësuar aty.”
• Pendimi që do ta përjetojnë në Ditën e Gjykimit është ose për shkak të humbjes së shpërblimit dhe të mirësive për mosshfrytëzimin e kohës në bindje ndaj Allahut, ose për shkak të përfitimit të mëkatit dhe të ndëshkimit për harxhimin e kohës në kundërshtim ndaj Tij.
• Nëse ky paralajmërim është për pakujdesinë që vjen nga gjëra të lejueshme, atëherë çfarë të thuhet për tubimet e ndaluara, që përfshijnë përgojim, bartje fjalësh dhe ndalesa të tjera?!

1. Ballina
2. Vlera dhe rregullat
3. Fikhu i dhikrit dhe duave
4. Dhikri i përgjithshëm
5. Hadithi

• “Atij që thotë: 'Raditu bil-lahi Rabben, ue bil-Islami dinen, ue bi Muhammedin rasulen' (Jam i kënaqur me Allahun si Zot, me Islamin si fe dhe me Muhamedin si të Dërguar), i garantohet Xheneti.”
• Dhikri më i mirë është: "La ilahe il-lallah", ndërsa lutja më e mirë është: "Elhamdulilah
• Që të them: "Subhanallah (i patëmeta është Allahu), elhamdulilah (lavdërimi i takon Allahut), la ilahe il-lallah (nuk ka të adhuruar me të drejtë përveç Allahut) dhe Allahu ekber (Allahu është më i madhi)" është më e dashur tek unë se çdo g...
• “Fjalët më të mira tek Allahu janë katër: subhanallah (i Lartësuar është Allahu), elhamdulilah (lavdfalënderimi i takon Allahut), la ilahe il-lallah (s'ka të adhuruar të denjë përveç Allahut) dhe Allahu Ekber (Allahu është më i madhi). Nuk ...