नबी (सल्लल्लाहु अलैहि वसल्लम) ले अल्लाहलाई याद नगरेर बस्ने बानी विरुद्ध चेतावनी दिनुभएको छ। उहाँले भन्नुभएको छ कि कुनै पनि समूह कुनै सभा वा बैठकमा बस्छ, र त्यहाँ अल्लाहको स्मरण गर्दैन तथा आफ्ना रसूल (सल्लल्लाहु अलैहि वसल्लम) माथि दरूद पठाउँदैन, त्यो सभा कियामतको दिन उनीहरूका लागि केवल पश्चात्ताप, ग्लानि, घाटा र नोक्सानको कारण बन्नेछ। त्यसपछि अल्लाहले चाहेमा उनीहरूका अघिल्ला र पछिल्ला पापहरुका कारण सजाय दिनुहुनेछ, र चाहेमा आफ्नो कृपा र दयाले उनीहरूलाई क्षमा गरिदिनुहुनेछ।

• यसमा अल्लाहको स्मरण (जिक्र) गर्न प्रेरणा दिइनुका साथै यसको महिमा र विशिष्ट गुणहरू बारे वर्णन गरिएको छ।
• यसमा ती सभाहरूको श्रेष्ठता बारे व्याख्या गरिएको छ जसमा अल्लाहको जिक्र र उहाँका रसूल (सल्लल्लाहु अलैहि वसल्लम) को चर्चा हुन्छ। र जुन सभाहरूमा यी कुराहरू हुँदैनन्, ती सभाहरू कयामतको दिन त्यसमा बस्ने मानिसहरूका लागि दुर्भाग्यपूर्ण साबित हुनेछन्।
• अल्लाहलाई सम्झन छोडेर लापरवाह हुनबाट बचाउनका लागि जे चेतावनी दिइएको छ, त्यो कुनै बैठक वा भेलामा मात्र लागू हुँदैन, बरु अरू सबै ठाउँका लागि पनि हो। इमाम नववीले भन्नुभएको छ: 'कोही व्यक्ति कतै बस्छ भने, उसले अल्लाहलाई याद नगरीकन त्यो ठाउँ छोड्नु नराम्रो मानिन्छ।'
• कियामतको दिन उनीहरूलाई दुई प्रकारको पछुतो हुनेछ। पहिलो, आफ्नो समय अल्लाहको इबादत र आज्ञापालनमा व्यतीत नगरेका कारण सत्कर्मको प्रतिफलबाट वञ्चित भएको पछुतो; र दोस्रो, आफ्नो समय अल्लाहको अवज्ञा तथा पापपूर्ण कार्यहरूमा बिताएका कारण त्यसको सजाय भोग्नुपर्ने पछुतो।
• यदि मुबाह (अनुमति प्राप्त) कुराहरूमा अनावश्यक रूपमा समय बिताउने र बेपरवाह रहने विषयमै यस्तो चेतावनी दिइएको छ भने, ती सभाहरू प्रति अवस्था कति गम्भीर होला जहाँ छुल्याइँ, चुक्ली तथा अन्य विभिन्न पापहरू गरिन्छन्?!

1. home
2. सद्गुण र आचरण
3. दुआ र जिक्र (स्तुति) को न्यायशास्त्र
4. सामान्य अज्कारहरू
5. hadith

• “सुब्हानल्लाह्, वल्-हम्दु लिल्लाह्, वला इलाह इल्-लल्लाह्, वल्लाहु अक्बर’ भन्नु मेरो लागि यो पृथ्वी र यसमा भएका सबै चीजहरू भन्दा प्रिय छ ।...
• दुई शब्दहरू यस्ता छन्, जुन जिब्रोमा हलुका, तराजुमा भारी र रहमान (परम दयालु) लाई धेरै प्रिय छन्...
• अल्लाहको नजरमा सबैभन्दा प्रिय शब्दहरू चार हुन्: सुब्हानल्लाह (अल्लाह पवित्र हुनुहुन्छ), अल-हम्दु लिल्लाह (सम्पूर्ण प्रशंसाहरू अल्लाहका लागि हुन्), ला इलाहा इल्लल्लाह (अल्लाह बाहेक कोही सत्य ईश्वर छैन) र अल्लाहु अकबर (अल्लाह सर्वोच्च हुनुहुन...
• सर्वश्रेष्ठ जिक्र (स्तुति) 'ला इला-ह इल्लल्लाह' हो र सबैभन्दा राम्रो दुआ (प्रार्थना) 'अल-हमदु लिल्लाह' हो ।...