پێغەمبەر -صلى اللە علیە وسلم- فەرمانیكردووە بە هەرکەسێک كە ستەمێکی لە برایەکی مسوڵمانی کردووە؛ لە کەسایەتی یان لە پارە وسامانی یان لە خوێنی، ئەوا با داواى گەردن ئازایی وداواى لێبووردنی لێبکات هەتاوەكو لە دونیادا ماوە، پێش ئەوەى ڕۆژی قیامەت بێت كە دینار ودرهەمی زیو سوودی تێدا نەبێت بۆئەوەی بیدات بە ستەمكار وگەردنی پێ ئازاد بكات، تۆڵەسەندنەوە لەو ڕۆژەدا بە چاكە وخراپەیە؛ ستەملێكراو لە چاكەكانی ستەمكار دەبات بە پێی ستەمكردنەكەی، ئەگەر ستەمكار چاكەی نەبوو ئەوا لە خراپەكانی ستەملێكراوەكە دەهێنرێت ودەخرێتە ئەستۆی ستەمكار بە پێی ستەمەكەی.

• بەپەرۆشی لەسەر دوورکەوتنەوە لە ستەم ودەستدرێژی کردن.
• هاندان بۆ پەلەکردن لە داوای گەردن ئازایی -داوای لێبووردن- لەو شتانەى بە ئەستۆیەوە هەڵواسراوە لە مافەکان.
• بەرهەمی کردەوە چاکەکان دەفەوتێت بەهۆی ستەمکردن لە خەڵکی وئازاردانیان.
• مافەكانى بەندەکان خواى گەورە لێیان خۆش نابێت مەگەر پاش گێڕانەوەى مافەکان نەبێت بۆ خاوەنەکانیان.
• دینار ودرهەم هۆکارن بۆ هێنانى سوود لە دونیادا، بەڵام لە ڕۆژی قیامەتدا تەنها چاکەکان وخراپەکان هەن.
• هەندێك لە زانایان سەبارەت بە بابەتی (كەسایەتی وناوبانگ)؛ دەڵێن: ئەگەر ستەملێكراو سەبارەت بە قسەكە نەزانێت ئەوا پێویست ناكات پێی بڵێت وبیزانێت، وەكو بۆ نمونە ئەگەر لە دانیشتنێك لە دانیشتنەكان جوێنی پێدا بێت وتەوبەی كردبێت؛ ئەوا پێویست ناكات پێی بڵێت وبزانێت، بەڵكو تەنها داوای لێخۆشبوون ونزای بۆ دەكات، وبە چاكە وخێر وەسفی دەكات لەو دانیشتنەی جوێنی پێدابوو، بەم شێوەیە گەردنی خۆی ئازاد دەكات.

1. سه‌ره‌كی
2. عەقیدە (بیروباوەڕ)
3. باوەڕهێنان بە ڕۆژی دوایی
4. ژیانی ڕۆژی دوایی
5. فەرموودە

• من یەکەم لەسەر ئەژنۆ دەکەوم لە پێش پەروەردگاری میهرەبان بۆ گفتوگۆکردن لەسەر ناکۆکیەکان لە ڕۆژی قیامەتدا
• سوێند بە خوا لەو ڕۆژەدا (لەسەر ھەموو ناز ونیعمەتێکی دونیا) لێپرسینەوەتان لەگەڵدا دەکرێت
• هەموو مافەکان دەگەڕێنەوە بۆ خاوەنەکانیان لە ڕۆژی قیامەتدا، تەنانەت تۆڵە دەکرێتەوە لەو بەرانەى قۆچدارە بۆ ئەو بەرانەی کە بێ قۆچە
• ئایا هەواڵتان پێبدەم سەبارەت بە خەڵكی بەهەشت؟ هەموو لاوازێکی بە لاواز دانراو، ئەگەر سوێند بخوات کە خوای گەورە کارێکی بۆ جێبەجێ بکات؛ ئەوا بۆی جێبەجێی دەکات...