આ હદીષમાં નબી ﷺ એ બે પ્રકારના જહન્નમી લોકો વિષે ચેતવણી આપી, જે નબી ﷺ ના સમયે ન હતા, પરંતુ તે લોકો તેમના પછી આવશે: પહેલો પ્રકાર: તે લોકો જેમની પાસે ગાયની પૂછડી માફક લાંબા લાંબા ચાબુક હોય છે, જેના વડે તેઓ લોકોને મારે છે, અને તે પોલીસો અથવા જાલિમ લોકોના સાથીદારો છે, જેઓ અયોગ્ય રીતે લોકો પર જુલમ કરે છે. બીજો પ્રકાર: એવી સ્ત્રીઓ જેમણે પોતાની પવિત્રતા અને હયાના કપડાં ઉતારી દીધા, જો કે સ્ત્રી શરમ અને હયા સાથે પેદા કરવામાં આવી છે. તે સ્ત્રીઓના ગુણો: તેણીઓએ જાહેરમાં તો કપડાં પહેર્યા હશે, પરંતુ તે વાસ્તવમાં નગ્ન હશે; કારણકે તેણીઓએ એવા પાતળા કપડાં પહેર્યા હશે, જેમાંથી તેમના શરીરની ચામડી દેખાતી હશે, તેઓ સુંદરતા માટે પોતાના શરીરના અમુક અંગોને ઢાંકશે અને અમુક અંગોને ખુલ્લા રાખશે, તેણીઓ પુરુષોના દિલોને પોતાની તરફ આકર્ષિત કરવા માટે તે પ્રકારના કપડાં પહેરી, અને ખભા ઝુકાવી ઇતરાઈને ચાલે છે, અને અન્ય સ્ત્રીઓને પણ તે કાર્ય કરવા પર ઉભારે છે, જે ગુનાહ અને બુરાઈમાં તેણીઓ પોતે સપડાયેલી છે, તેમના ગુણો માંથી: તેમના માથા ઊંટના ખૂંધ (ઢેકા) જેવા હોય છે, તે પોતાના માથાને ઊંચું કરવા માટે હેર બેન્ડ વગેરે જેવુ બાંધે છે, અહિયાં ઊંટના ખૂંધ (ઢેકા) વડે ઉદાહરણ એટલા માટે આપ્યું કે તેમના માથાની ચોટલીઓના કારણે, અને તેને એવી રીતે ફેલાવીને બાંધે છે તે ઊંટના ઢેકાની માફક એક બાજુ ઢળી જાય છે. આ દરેક લક્ષણો જે સ્ત્રીઓમાં જોવા મળશે, તે જન્નતમાં દાખલ નહીં થાય, ન તો તેની સુગંધ પ્રાપ્ત કરી શકશે, ન તો તેની નજીક જઈ શકશે, જો કે જન્નતની સુગંધ દૂરથી સૂંઘી શકાય એવી હશે.

• આ હદીષમાં લોકોને કોઈ ગુનાહ વગર મારવા અથવા નુકસાન પહોંચાડવાથી રોકવામાં આવ્યા છે.
• જાલિમની તેના જુલમ પર મદદ કરવી હરામ છે.
• આ હદીષમાં સ્ત્રીઓને એવા કપડાં પહેરવા પર સખત ચેતવણી આપી છે, જેના કારણે તેમના ગુપ્તાંગ અથવા શરીરના અંગો દેખાતા હોય.
• આ હદીષમાં સ્ત્રીને અલ્લાહના આદેશોનું પાલન કરવા પર પ્રોત્સાહિત કરી છે, અને સ્ત્રીઓએ તે કાર્યો અને બાબતો જે અલ્લાહને નારાજ કરે અને તેમના માટે આખિરતમાં કાયમી, સખત, દુ:ખદાઈ અઝાબનું કારણ બને તેનાથી દૂર રહેવું જોઈએ.
• આ હદીષ નબી ﷺ ના સાચા નબી હોવાની દલીલો માંથી એક છે કે નબી ﷺ એ એવા કાર્યો વર્ણન કર્યા જે તેમના સમયે ન હતા, પરંતુ આગળના સમયમાં જે પ્રમાણે વર્ણન કર્યા હતા તે પ્રમાણે થયા.

1. હોમ
2. મહત્ત્વતાઓ અને અદબો
3. વઅઝ અને શિખામણો
4. જન્નત અને જહન્નમની લાક્ષણિકતા
5. અલ્ હદીષ

• કયામતના દિવસે એક વ્યક્તિને લાવી જહન્નમમાં નાખવામાં આવશે, જેના કારણે તેના પેટના આંતરડા બહાર આવી જશે, અને તે તેને લઈ એવી રીતે ચક્કર લગાવતો હશે જેવી રીતે એક ગધેડો ઘંટીની આજુબાજુ ચક્કર લગાવે છે...
• તારી દરેક ઈચ્છાઓ પૂરી કરવામાં આવશે અને તેની સાથે તેના જેટલી બીજી ઈચ્છાઓ પણ પુરી કરવામાં આવશે...
• જ્યારે જન્નતી લોકો જન્નતમાં જતા રહેશે, તો કહ્યું:અલ્લાહ તઆલા તેમને કહેશે: હજુ કઈ વધારે ઈચ્છા કરી?...
• જે વ્યક્તિ અલ્લાહ સાથે તે સ્થિતિમાં મુલાકાત કરશે કે તેણે અલ્લાહ સાથે કોઈને ભાગીદાર ઠેહરાવ્યો ન હતો તો તે જન્નત માં દાખલ થશે અને જેણે કોઈને તેની સાથે ભાગીદાર ઠેહરાવ્યો હશે તો તે જહન્નમમાં દાખલ થશે...