নবী চাল্লাল্লাহু আলাইহি অছাল্লামে হাদীছটোত জনাইছে যে, আমাৰ পূৰ্বে যিসকল লোক অতিবাহিত হৈছে, সিহঁতৰ মাজৰ এজন ব্যক্তি প্ৰচণ্ড আঘাতপ্ৰাপ্ত হোৱাত সি নিজৰ কষ্টত ধৈৰ্য্য ধাৰণ কৰিব পৰা নাছিল আৰু অসহ্য হৈ সোনকালে মৃত্যু হোৱাৰ বাবে এটা ছুৰীৰে নিজৰে হাত কাটি পেলাইছিল। তেজ বন্ধ নোহোৱাৰ ফলত তাৰ মৃত্যু ঘটিছিল। এই ঘটনাৰ পৰিপ্ৰেক্ষিতত আল্লাহে কৈছেঃ মোৰ বান্দাই নিজৰ ওপৰত অন্যায় কৰি মোৰ ওচৰলৈ অহাৰ বাবে খৰখেদা কৰিছে। সেয়ে মই তাৰ ওপৰত জান্নাত হাৰাম কৰি দিছোঁ।

• বিপদ-আপদত ধৈৰ্য্য ধাৰণ কৰিব লাগে। দুখ-কষ্টৰ সময়ত নিজৰ ওপৰত সীমালংঘন কৰিব নালাগে, যাতে এইটো আৰু অধিক ডাঙৰ মুচিবতৰ কাৰণ হৈ নাযায়।
• পূৰ্বৱৰ্তী উম্মতৰ ঘটনাবোৰৰ মাজত আছে কল্যাণ আৰু উপদেশ।
• ইবনু হাজাৰে কৈছেঃ ইয়াত আল্লাহৰ অধিকাৰ বুজোৱা হৈছে আৰু সৃষ্টিৰ প্ৰতি থকা তেওঁৰ দয়া আৰু কৰুণা বুজোৱা হৈছে। কাৰণ তেওঁ বান্দাসকলৰ ওপৰত আত্মহত্যা হাৰাম কৰিছে। কিয়নো প্ৰাণবোৰ হৈছে আল্লাহৰ অধীনস্থ।
• এনেকুৱা সকলো মাধ্যম হাৰাম কৰা হৈছে যিবোৰে আত্মহত্যা কৰিবলৈ প্ৰৰোচিত কৰে। তথা এই ক্ষেত্ৰত কঠোৰ সতৰ্কবাণী প্ৰদান কৰা হৈছে।
• ইবনু হাজাৰে কৈছেঃ ইয়াৰ দ্বাৰা এইটো প্ৰমাণিত হয় যে, সেই ব্যক্তিজনে আত্মহত্যা কৰিবলৈ এইটো কৰিছিল, চিকিৎসাৰ উদ্দেশ্যে কৰা নাছিল, যিটোৰ দ্বাৰা উপকৃত হোৱাৰ সম্ভাৱনা থাকে।

1. মুখ্য পৃষ্ঠা
2. ফজিলত আৰু শিষ্টাচাৰসমূহ
3. উপদেশ আৰু দিহা-পৰামৰ্শ
4. পাপকৰ্ম নিন্দনীয়
5. হাদীছ

• তিনি প্ৰকাৰ লোকৰ সৈতে কিয়ামতৰ দিনা আল্লাহে কথা নক’ব, আৰু সিহঁতক পৱিত্ৰও নকৰিব আৰু সিহঁতৰ বাবে আছে যন্ত্ৰণাদায়ক শাস্তি...
• যিয়ে পাহাৰৰ ওপৰৰ পৰা জাপ মাৰি আত্মহত্যা কৰে, সি জাহান্নামত থাকিব, তাত সি চিৰকাল সেইদৰে জঁপিয়াই থাকিব।...
• চাৰিটা দোষ যাৰ ভিতৰত আছে, সি হৈছে প্ৰকৃত মুনাফিক। যাৰ মাজত এই চাৰিটা দোষৰ যিকোনো এটা আছে, সি সেইটো পৰিত্যাগ নকৰালৈকে তাৰ ভিতৰত মুনাফিকৰ এটা স্বভাৱ থাকি যায়। (সেই দোষ চাৰিটা হৈছে) যেতিয়া সি কথা কয়, মিছা মাতে, আৰু যেতিয়া সন্ধি বা চুক্তি কৰে ত...
• হে আল্লাহৰ ৰাছুল! কোনোবাই যদি মোৰ সম্পদ কাঢ়ি নিবলৈ চেষ্টা কৰে তেন্তে মই কি কৰা উচিত?