Minsang nasa piling ng Ina ng mga Mananampalataya na si `Ā'ishah (malugod si Allāh sa kanya) si Al-Ḥawlā' bint Tuwayt (malugod si Allāh dito) saka lumabas ito mula sa kanya kasabay ng pagpasok ng Propeta (basbasan ito ni Allāh at pangalagaan). Kaya nagsabi si `Ā'ishah sa kanya: "Ang babaing ito ay hindi natutulog bagkus nagpupuyat siya sa pagdarasal." Kaya nagsabi ang Propeta (basbasan siya ni Allāh at pangalagaan) habang nagmamasama sa pagpapahirap nito sa sarili nito: "Hindi siya natutulog sa gabi! Magpakaabala kayo ng maayos na gawain na makakaya ninyo ang pagpapamalagi roon; sapagkat sumpa man kay Allāh, hindi magsasawa si Allāh sa pagbibigay sa mga lingkod Niyang mga maayos, na mga tagatalima, ng gantimpala at ganti sa mga pagtalima nila, mga magandang gawa nila, at mga maayos na gawa nila hanggang sa magsawa sila at mag-iwan sila ng gawain."

• Ang pagpaparami ng pagsamba higit sa nakakayanan ng katawan ay humahantong sa pagkasawa at kawalang-gana kaya magwawaksi nito ang sarili.
• Ang pagkakatamtaman at ang pagkabalanse sa pagganap ng pagsamba ay pang-ayaya sa pagpapatuloy rito at pagpapakatatag dito.
• Ang kaunting palagiang gawain ay higit na mabuti kaysa maraming paputul-putol.
• Nagsabi si Imām An-Nawawīy: Dahil sa pagpapamalagi ng [gawaing] kaunti, nagpapatuloy ang pagtalima sa pamamagitan ng pag-alaala, pagsasaalang-alang, pagpapakawagas, at pagtuon kay Allah, na kasalungatan naman sa maraming mahirap [na gawain], hanggang sa lumago ang kaunting palagian sa punto na hihigit ito nang maraming ibayo kaysa sa maraming paputul-putol.

1. Ang Pangunahin
2. Ang Pag-aanyaya at ang Pagpapanagot
3. Ang Pag-aanyaya tungo kay Allāh
4. Ang mga Karapatan ng Tao sa Islām
5. Ang ḥadīth

• Tunay na may karapatan sa iyo ang Panginoon mo, tunay na may karapatan sa iyo ang sarili mo, at tunay na may karapatan sa iyo ang mag-anak mo, kaya ibigay mo sa bawat may karapatan ang karapatan niya.
• O mga tao, tunay na si Allāh ay nag-alis nga sa inyo ng kapalaluan ng Kamangmangan at pagsasadakila nito sa mga ninuno nito
• Talaga ngang nakita ko na ako ay ikapitong anak mula sa mga anak ni Muqarrin. Wala kaming utusan maliban sa isang babaeng sinampal ng pinakabata sa amin kaya inutusan kami ng Sugo ni Allah, pagpalain siya ni Allah at pangalagaan, na palayai...